ബാഴ്‌സയില്‍ സാവിക്ക് വിജയതുടക്കം

ക്യാംപ് നൗ: സ്പാനിഷ് ലീഗില്‍ പുതിയ കോച്ച് സാവി ഹെര്‍ണാണ്ടസിന്റെ കീഴിലിറങ്ങിയ ബാഴ്‌സയക്ക് ജയം. എസ്പാനിയോളിനെ എതിരില്ലാത്ത ഒരു ഗോളിനാണ് ബാഴ്‌സ പരാജയപ്പെടുത്തിയത്. മികച്ച കളി പുറത്തെടുത്ത ബാഴ്‌സയ്ക്കായി മെംഫിസ് ഡിപ്പേ ആണ് സ്‌കോര്‍ ചെയ്തത്. ജയത്തോടെ ബാഴ്‌സ ലീഗില്‍ ആറാം സ്ഥാനത്തേക്ക് കുതിച്ചു. ഇന്ന് നടന്ന മറ്റൊരു മല്‍സരത്തില്‍ അത്‌ലറ്റിക്കോ മാഡ്രിഡ് ഒസാസുനയെ എതിരില്ലാത്ത ഒരു ഗോളിന് പരാജയപ്പെടുത്തി. ഒന്നാം സ്ഥാനത്തുള്ള സെവിയ്യയെ ആല്‍വ്‌സ് 2-2 സമനിലയില്‍ പിടിച്ചു.