ഐഎസ്എല്: മലയാളി യുവതാരം പ്രശാന്തുമായുള്ള കരാര് ദീര്ഘിപ്പിച്ച് കേരള ബ്ലാസ്റ്റേഴ്സ്
തന്റെ ഫുട്ബോള് യാത്രയില് ഒരു നിര്ണായകമായ സ്ഥാനമുള്ള കേരള ബ്ലാസ്റ്റേഴ്സില് തുടരുന്നതില് ഒരേസമയം താന് അഭിമാനിക്കുകയും സന്തോഷിക്കുകയും ചെയ്യുന്നതായി പ്രശാന്ത് പറഞ്ഞു.ടീമിലെ ഏറ്റവും മികച്ച ശാരീരിക ശേഷിയുള്ള കളിക്കാരില് ഒരാളാണ് പ്രശാന്തെന്ന് കേരള ബ്ലാസ്റ്റേഴ്സ് എഫ്സി അസിസ്റ്റന്റ് കോച്ച് ഇഷ്ഫാക്ക് അഹമ്മദ് പറഞ്ഞു
കൊച്ചി: വിങ്ങര് താരമായ പ്രശാന്ത് കറുത്തേടത് കുനിയുമായുള്ള കരാര് ഒരു വര്ഷത്തേക്ക് നീട്ടി കേരള ബ്ലാസ്റ്റേഴ്സ്. കോഴിക്കോട് നിന്നുള്ള 23കാരനായ താരം ഇന്ത്യന് സൂപ്പര് ലീഗിലെ വരുന്ന സീസണില് ടീമിന്റെ ഭാഗമായിരിക്കും. വലത് കാലു കൊണ്ട് ചടുലമായ നീക്കങ്ങള് നടത്തുന്ന മിഡ്ഫീല്ഡര് ആയ പ്രശാന്ത് യഥാര്ഥത്തില് അത്ലറ്റിക്സ് റണ്ണറായിരുന്നു, 2008 ല് ഫുട്ബോള് കളിക്കാന് തുടങ്ങി. എഐഎഫ്എഫ് റീജ്യണല് അക്കാദമി തിരഞ്ഞെടുക്കുന്നതിന് മുമ്പ് കേരള അണ്ടര് 14 ടീമിനെ പ്രതിനിധീകരിച്ചു. എഐഎഫ്എഫ് എലൈറ്റ് അക്കാദമിയിലേക്ക് പോകുന്നതിനുമുമ്പ് ഡിഎസ്കെ ശിവാജിയന്സ് അക്കാദമിയുടെ ഭാഗമായിരുന്നു പ്രശാന്ത്. പരിശീലനം ലഭിക്കുന്നതിന് വേണ്ടി ഐ ലീഗ് ചെന്നൈ സിറ്റി എഫ്സിക്ക് കൈമാറുന്നതിന് മുന്പായി 2016 ആണ് കേരള ബ്ലാസ്റ്റേഴ്സ് പ്രശാന്തുമായി കരാറില് ഏര്പ്പെടുന്നത്.
ഐ എസ് എല്ലിന്റെ കഴിഞ്ഞ സീസണില് ആണ് പ്രശാന്ത് മികച്ച പ്രകടനങ്ങള് നടത്തുന്നത്. 12 മാച്ചുകളില് വിങ്ങില് കളിച്ച താരം എഫ് സി ഗോവയുമായുള്ള നിര്ണായകമായ മല്സരത്തില് ഗോളടിക്കുന്നതിന് സഹായിക്കുകയും ചെയ്തു.തന്റെ ഫുട്ബോള് യാത്രയില് ഒരു നിര്ണായകമായ സ്ഥാനമുള്ള കേരള ബ്ലാസ്റ്റേഴ്സില് തുടരുന്നതില് ഒരേസമയം താന് അഭിമാനിക്കുകയും സന്തോഷിക്കുകയും ചെയ്യുന്നതായി പ്രശാന്ത് പറഞ്ഞു. തന്റെ കഴിവില് കോച്ചുമാരും മാനേജ്മെന്റും അര്പ്പിച്ച വിശ്വാസം തനിക്ക് കൂടുതല് ആത്മവിശ്വാസം പകരുന്നു. വരാനിരിക്കുന്ന സീസണില് ടീമിനായി തന്റെ 100% സമര്പ്പിച്ചുകൊണ്ട് മൈതാനത്തിലുള്ള അവരുടെ വിശ്വാസത്തിന് പ്രതിഫലം അര്പ്പിക്കാന് ആഗ്രഹിക്കുന്നതായും പ്രശാന്ത് പറഞ്ഞു.
ടീമിലെ ഏറ്റവും മികച്ച ശാരീരിക ശേഷിയുള്ള കളിക്കാരില് ഒരാളാണ് പ്രശാന്തെന്ന് കേരള ബ്ലാസ്റ്റേഴ്സ് എഫ്സി അസിസ്റ്റന്റ് കോച്ച് ഇഷ്ഫാക്ക് അഹമ്മദ് പറഞ്ഞു.അദ്ദേഹത്തിന്റെ കഴിവുകളില് ശ്രദ്ധ കേന്ദ്രീകരിക്കുക മാത്രമല്ല, തന്റെ പോരായ്മകള് പരിഹരിക്കുന്നതിന് സന്നദ്ധത പ്രകടിപ്പിക്കുകയും ചെയ്യുന്നു . എല്ലാ പരിശീലന സെഷനുകളിലും പങ്കെടുക്കുന്ന അദ്ദേഹം പരിശീലന സമയത്ത് എല്ലായ്പ്പോഴും 100% പ്രകടനം കാഴ്ച വയ്ക്കുകയും ചെയ്യുന്നു. ക്ലബ്ബുമായുള്ള പ്രശാന്തിന്റെ കരാര് ദീര്ഘിപ്പിച്ചത് കായികരംഗത്തോടുള്ള അദ്ദേഹത്തിന്റെ സമര്പ്പണത്തിന്റെയും പ്രതിബദ്ധതയുടെയും പ്രതിഫലനം മാത്രമല്ല, സംസ്ഥാനത്തോടും ആരാധകരോടും കൂടിയുള്ളതാണെന്നും ഇഷ്ഫാക്ക് അഹമ്മദ് പറഞ്ഞു.
RELATED STORIES
ലബനാനില് ഇസ്രായേല് വ്യോമാക്രമണം; ഹിസ്ബുല്ല ആക്രമണത്തിന് മറുപടിയെന്ന്
17 April 2024 6:22 PM GMTതെലങ്കാനയില് ക്രിസ്ത്യന് സ്കൂളിനു നേരെ ഹിന്ദുത്വരുടെ ആക്രമണം; 'ജയ്...
17 April 2024 1:59 PM GMTകനത്ത മഴ; തിരുവനന്തപുരത്ത് നിന്നും യുഎഇയിലേക്കുളള നാല് വിമാനങ്ങള്...
17 April 2024 12:46 PM GMTബിജെപി എംപി കരാഡി സങ്കണ്ണ അമരപ്പ കോൺഗ്രസിൽ ചേർന്നു
17 April 2024 12:45 PM GMTമുസ് ലിം അഭിഭാഷകനോട് വിവേചനം: ഹൈക്കോടതിയില് മാപ്പ് പറഞ്ഞ് വിചാരണ...
17 April 2024 12:30 PM GMTകനത്ത മഴ; യുഎഇയിലേക്കുള്ള നാല് വിമാനങ്ങള് കൂടി റദ്ദാക്കി
17 April 2024 12:11 PM GMT