റൊണാള്‍ഡോയെ പുറത്താക്കി യുനൈറ്റഡ്; റിസേവ് ടീമിനൊപ്പം പരിശീലനം നടത്തണം

ഓള്‍ഡ്ട്രാഫോഡ്: ലോക ഫുട്‌ബോളര്‍ ക്രിസ്റ്റിയാനോ റൊണാള്‍ഡോയെ മാഞ്ചസ്റ്റര്‍ യുനൈറ്റഡ് ഒരാഴ്ചത്തേക്ക് പുറത്താക്കി. കഴിഞ്ഞ ദിവസം ടോട്ടന്‍ഹാമിനെതിരായ മല്‍സരത്തില്‍ സബ്ബായി ഇറക്കാത്തതില്‍ പ്രതിഷേധിച്ച് താരം മല്‍സരം അവസാനിക്കുന്നതിന് മുമ്പ് ഡഗൗട്ടില്‍ നിന്ന് ഇറങ്ങി പോയിരുന്നു. ഇതേ തുടര്‍ന്നാണ് താരത്തിനെ താല്‍ക്കാലികമായി യുനൈറ്റഡ് പുറത്താക്കിയത്. നാളെ ചെല്‍സിക്കെതിരേ നടക്കുന്ന മല്‍സരത്തില്‍ നിന്നും താരത്തെ ഒഴിവാക്കിയതായി യുനൈറ്റഡ് പത്രക്കുറിപ്പില്‍ അറിയിച്ചു. റൊണാള്‍ഡോ തുടര്‍ന്നുള്ള ദിവസങ്ങളില്‍ റിസേവ് ടീമിനൊപ്പം പരിശീലനം നടത്തണമെന്നും യുനൈറ്റഡ് അറിയിച്ചിട്ടുണ്ട്.