റൊണാള്ഡോയ്ക്കും കൊവിഡ്; ബാഴ്സയ്ക്കെതിരേ കളിച്ചേക്കില്ല
ലോക ഫുട്ബോള് പ്രേമികള് കാത്തിരിക്കുന്ന പോരാട്ടത്തില് താരം കളിക്കുമോ എന്ന കാര്യം സ്ഥിരീകരിച്ചിട്ടില്ല.
ലിസ്ബണ്: പോര്ച്ചുഗല്-യുവന്റസ് സ്റ്റാര് സ്ട്രൈക്കര് ക്രിസ്റ്റിയാനോ റൊണാള്ഡോയ്ക്ക് കൊവിഡ്-19 സ്ഥിരീകരിച്ചു. നേഷന്സ് ലീഗ് കപ്പിലെ നാളെ നടക്കുന്ന സ്വീഡനെതിരായ മല്സരത്തിന് തൊട്ടുമുമ്പ് നടത്തിയ പരിശോധനയിലാണ് താരത്തിന് രോഗം സ്ഥിരീകരിച്ചത്. കഴിഞ്ഞ ഒരാഴ്ചയായി പോര്ച്ചുഗല് ടീമിനൊപ്പമാണ് റൊണാള്ഡോ. ടീമില് റൊണാള്ഡോയ്ക്കു മാത്രമാണ് രോഗം സ്ഥിരീകരിച്ചത്. ഇതോടെ താരം 10 ദിവസത്തെ നിര്ബന്ധിത നിരീക്ഷണത്തില് കയറും. റൊണോള്ഡോയ്ക്ക് രോഗലക്ഷണങ്ങള് ഇല്ലെന്നും താരം പൂര്ണ്ണ ആരോഗ്യവാനാണെന്നും പോര്ച്ചുഗല് ഫുട്ബോള് ഫെഡറേഷന് അറിയിച്ചു. നേഷന്സ് ലീഗില് രണ്ട് ദിവസം മുമ്പ് പോര്ച്ചുഗല് ഫ്രാന്സിനെതിരേ ഗോള് രഹിത സമനില വഴങ്ങിയിരുന്നു. ഈ മല്സരത്തില് റൊണാള്ഡോ കളിച്ചിരുന്നു. ഈ മാസം 17ന് സീരി എയില് നടക്കുന്ന മല്സരത്തില് യുവന്റസിനായും റോണോ കളിക്കില്ല. അതിനിടെ ചാംപ്യന്സ് ലീഗ് ഗ്രൂപ്പ് ഘട്ട മല്സരങ്ങളും അടുത്ത ആഴ്ച തുടങ്ങുകയാണ്. 20ന് ഡൈനാമോ കെവിനെതിരേയാണ് യുവന്റസിന്റെ ആദ്യ മല്സരം . ഈ മല്സരത്തില് താരം പങ്കെടുക്കില്ല. 25ന് നടക്കുന്ന സീരി എയിലെ മറ്റൊരു മല്സരത്തിലും റോണോ കളിക്കില്ല. ചാംപ്യന്സ് ലീഗിലെ യൂറോപ്പ്യന് ഗ്രൂപ്പില് യുവന്റസിന്റെ രണ്ടാമത്തെ മല്സരം ബാഴ്സലോണയ്ക്കെതിരേയാണ്. ലോക ഫുട്ബോള് പ്രേമികള് കാത്തിരിക്കുന്ന പോരാട്ടത്തില് താരം കളിക്കുമോ എന്ന കാര്യം സ്ഥിരീകരിച്ചിട്ടില്ല. മെസ്സിയോട് സീസണില് ആദ്യമായി ഏറ്റുമുട്ടാന് റൊണാള്ഡോ ഉണ്ടാവുമോ എന്ന് കാത്തിരുന്നു കാണാം.
RELATED STORIES
ഒന്നാംഘട്ടം 60.03 ശതമാനം പോളിങ്; ത്രിപുരയും ബംഗാളും മുന്നില്
19 April 2024 2:44 PM GMTമോദിയുടെ മുഖ്യ വിമര്ശകന് ധ്രുവ് റാഠി അഞ്ച് പ്രാദേശിക ഭാഷകളില് കൂടി...
19 April 2024 11:00 AM GMTപ്രിയ വര്ഗീസിന്റെ നിയമനം; ഹൈക്കോടതി വിധിക്കെതിരായ ഹരജി അടിയന്തരമായി ...
19 April 2024 10:37 AM GMTലോക്സഭാ തിരഞ്ഞെടുപ്പ്; ഒന്നാംഘട്ട വോട്ടെടുപ്പ് തുടങ്ങി
19 April 2024 5:48 AM GMTബിജെപിക്ക് വോട്ട് ചെയ്തില്ലെങ്കില് വീട്ടില് ബുള്ഡോസര് എത്തും;...
18 April 2024 5:28 PM GMTവീണ്ടും ഇഡി ; ആം ആദ്മി എംഎല്എ അമാനത്തുള്ള ഖാന് അറസ്റ്റില്
18 April 2024 5:07 PM GMT