ലാ ലിഗ; ബെന്‍സിമയ്ക്ക് ഡബിള്‍; റയലിന് മിന്നും ജയം

മാഡ്രിഡ്: സ്പാനിഷ് ലീഗില്‍ റയല്‍ മാഡ്രിഡിന് തകര്‍പ്പന്‍ ജയം. കോച്ച് സിദാന്റെ മേല്‍നോട്ടമില്ലാതെ ഇറങ്ങിയ റയല്‍ ആല്‍വ്‌സിനെ 4-1നാണ് തോല്‍പ്പിച്ചത്. കരീം ബെന്‍സിമ ഇരട്ടഗോള്‍ നേടിയ മല്‍സരത്തില്‍ കസിമറോ, ഈഡന്‍ ഹസാര്‍ഡ് എന്നിവരും റയലിനായി സ്‌കോര്‍ ചെയ്തു. ജയത്തോടെ റയല്‍ ഒന്നാം സ്ഥാനത്തുള്ള അത്‌ലറ്റിക്കോ മാഡ്രിഡുമായുള്ള പോയിന്റ് അന്തരം നാലാക്കി കുറച്ചു. മറ്റൊരു മല്‍സരത്തില്‍ മൂന്നാം സ്ഥാനത്തുള്ള സെവിയ്യ കാഡിസിനെ 3-0ത്തിന് തോല്‍പ്പിച്ചു. അഞ്ചാം സ്ഥാനത്തുള്ള വിയ്യാറല്‍ -അവസാന സ്ഥാനത്തുള്ള ഹുസ്‌ക മല്‍സരം ഗോള്‍ രഹിത സമനിലയില്‍ കലാശിച്ചു. ആറാം സ്ഥാനത്തുള്ള റയല്‍ സോസിഡാഡ്-എട്ടാം സ്ഥാനത്തുള്ള റയല്‍ ബെറ്റിസ് മല്‍സരം 2-2 സമനിലയിലും അവസാനിച്ചു. ഇന്ന് അര്‍ദ്ധരാത്രി നടക്കുന്ന മല്‍സരങ്ങളില്‍ ബാഴ്‌സലോണ എല്‍ഷെയെ നേരിടുമ്പോള്‍ ഒസാസുന ഗ്രനാഡയെയും നേരിടും.

Benzema scored twice as Real recovered from their shock Spanish Cup exit by beating Alaves.