സ്പാനിഷ് ലീഗ് കിരീടം ബാഴ്‌സലോണയ്ക്ക്

ക്യാംപ് നൗ: 2018-19 സീസണിന് ശേഷം ആദ്യമായി സ്പാനിഷ് ലീഗ് കിരീടം നേടി ബാഴ്‌സലോണ. രണ്ട് റൗണ്ട് മല്‍സരങ്ങള്‍ ശേഷിക്കെയാണ് കറ്റാലന്‍സിന്റെ കിരീട നേട്ടം. ഇന്ന് നടന്ന മല്‍സരത്തില്‍ റെലഗേഷന്‍ സോണിലുള്ള എസ്പാനിയോളിനെ 4-2ന് ബാഴ്‌സ പരാജയപ്പെടുത്തി. 34 മല്‍സരങ്ങളില്‍ നിന്ന് ബാഴ്‌സയ്ക്ക് 85 പോയിന്റാണുള്ളത്. ചിരവൈരികളായ രണ്ടാം സ്ഥാനത്തുള്ള റയല്‍ മാഡ്രിഡിന് 71 പോയിന്റാണുള്ളത്. ശേഷിക്കുന്ന നാല് മല്‍സരങ്ങള്‍ ജയിച്ചാലും റയലിന് ബാഴ്‌സയ്‌ക്കൊപ്പമെത്താന്‍ കഴിയില്ല. പുതിയ കോച്ച് സാവിക്ക് കീഴിലാണ് ബാഴ്‌സയുടെ കിരീട നേട്ടം.