അണ്ടര്‍ 19 ലോകകപ്പ്: യുഎഇ ടീമിന്റെ നായകനായി മലയാളി താരം അലി ഷാന്‍

ദുബയ്: അണ്ടര്‍ 19 ലോകകപ്പിലും ഏഷ്യാകപ്പിലും യുഎഇ ദേശീയ ക്രിക്കറ്റ് ടീമിനെ നയിക്കുന്നത് മലയാളിയായ പഴയങ്ങാടി വാടിക്കല്‍ സ്വദേശി അലി ഷാന്‍ ഷറഫു. ആദ്യമായാണ് ഒരു മലയാളി യുഎഇ ടീമിന്റെ നായകസ്ഥാനത്തെത്തുന്നത്.ഏഷ്യാകപ്പില്‍ ഈ മാസം 23ന് നടക്കുന്ന ആദ്യമല്‍സരത്തില്‍ ഇന്ത്യക്കെതിരേയാണ് ഷാന്‍ നയിക്കുന്ന യുഎഇ ഇറങ്ങുന്നത്.ഷാനിന്റെ ക്യാപ്റ്റനായുള്ള അരങ്ങേറ്റ മല്‍സരവും ഇതാണ്.വലം കൈയ്യന്‍ ബാറ്റ്‌സ്മാനായ അലി ഷാന്‍ ബൗളിങിലും മികവ് തെളിയിച്ചിട്ടുണ്ട്.യുഎഇയുടെ സീനിയര്‍ ടീമിലും 18കാരനായ ഷാന്‍ അംഗമാണ്.അന്താരാഷ്ട്ര ക്രിക്കറ്റില്‍ ആറ് ട്വന്റി-20 മല്‍സരങ്ങളിലും ഒരു ഏകദിനത്തിലും യുഎഇയ്ക്കായി കളിച്ചിട്ടുണ്ട്.ഷറഫുദ്ദീന്‍-റുഫൈസ ദമ്പതികളുടെ മകനാണ് ഷാന്‍. ദുബയ് ഡിമോണ്‍ഫോര്‍ട്ട് യൂനിവേഴ്‌സിറ്റിയിലെ സൈബര്‍ സെക്യൂരിറ്റി വിദ്യാര്‍ത്ഥിയാണ് ഷാന്‍.