പരിക്ക് ഭേദമായില്ല; മുംബൈക്ക് തിരിച്ചടി; ഹാര്ദിക്കിന് ഐപിഎല്ലും നഷ്ടമായേക്കും
ഡല്ഹി: മുംബൈ ഇന്ത്യന്സ് ക്യാപ്റ്റന് ഹാര്ദിക് പാണ്ഡ്യയ്ക്ക് 2024 ഐപിഎല് സീസണ് നഷ്ടമായേക്കുമെന്ന് റിപ്പോര്ട്ട്. ലോകകപ്പിനിടെ കാല്ക്കുഴയ്ക്കേറ്റ പരിക്ക് ഭേദമാകാത്തതാണ് ഹാര്ദിക്കിനും മുംബൈക്കും തിരിച്ചടിയായിരിക്കുന്നത്.ഇത്തവണത്തെ താരലേലത്തിനു മുന്നോടിയായി ഗുജറാത്ത് ടൈറ്റന്സില് നിന്ന് ഹാര്ദിക്കിനെ മുംബൈ ട്രേഡ് ചെയ്തിരുന്നു. തുടര്ന്ന് രോഹിത് ശര്മയ്ക്ക് പകരം ഹാര്ദിക്കിനെ മുംബൈ തങ്ങളുടെ ക്യാപ്റ്റനായും നിയമിച്ചു. ഇതിനു പിന്നാലെയാണ് സീസണില് ഫ്രാഞ്ചൈസിക്ക് തിരിച്ചടിയാകുന്ന റിപ്പോര്ട്ട് പുറത്തുവരുന്നത്.
ഒക്ടോബര് 19-ന് ബംഗ്ലാദേശിനെതിരെ പുണെയില് നടന്ന ലോകകപ്പ് മത്സരത്തിനിടെയാണ് ഹാര്ദിക്കിന് പരിക്കേല്ക്കുന്നത്. പിന്നാലെ ശേഷിച്ച ലോകകപ്പ് മത്സരങ്ങളും അതിനു ശേഷം ഓസ്ട്രേലിയക്കെതിരേയും ദക്ഷിണാഫ്രിക്കയ്ക്കെതിരേയും നടന്ന നിശ്ചിത ഓവര് പരമ്പരകളും താരത്തിന് നഷ്ടമായി. അഫ്ഗാനിസ്താനെതിരേ ഇനി നടക്കാനിരിക്കുന്ന ടി20 പരമ്പരയും ഹാര്ദിക്കിന് നഷ്ടമാകും. ഇതിനു പിന്നാലെയാണ് പരിക്ക് ഗുരുതരമായതിനാല് ഐപിഎല്ലും നഷ്ടമായേക്കുമെന്ന റിപ്പോര്ട്ടുകള് വരുന്നത്.
ഗുജറാത്ത് ടൈറ്റന്സിനെ ആദ്യസീസണില് തന്നെ ചാമ്പ്യന്മാരാക്കിയും രണ്ടാംസീസണില് ഫൈനലിലെത്തിച്ചതുമാണ് പാണ്ഡ്യയെ നായകനാക്കി വാഴിച്ച് തിരിച്ചുകൊണ്ടുവരാന് മുംബൈ മാനേജ്മെന്റിനെ പ്രേരിപ്പിച്ചത്.
RELATED STORIES
അമിത് ഷാ സഞ്ചരിച്ച ഹെലികോപ്ടറിന് പറന്നുയരുന്നതിനിടെ നിയന്ത്രണം...
29 April 2024 12:58 PM GMTഇസ്രായേൽ വിരുദ്ധ പ്രതിഷേധം: യു.എസ് കാമ്പസുകളിൽ അറസ്റ്റിലായത് 900 പേർ
29 April 2024 12:49 PM GMTസുനിതയും അതിഷിയും തിഹാർ ജയിലിലെത്തി കെജ് രിവാളിനെ കണ്ടു
29 April 2024 12:47 PM GMTഅന്വേഷണ റിപോര്ട്ടിന്റെ പകര്പ്പ് നല്കിയില്ല; സമരം പുനരാരംഭിച്ച്...
29 April 2024 12:28 PM GMTഅമിത് ഷായുടെ കൃത്രിമ വീഡിയോ; തെലങ്കാന മുഖ്യമന്ത്രിക്ക് പോലിസിന്റെ...
29 April 2024 12:10 PM GMTഉഷ്ണതരംഗം: പാലക്കാട്ട് വിദ്യാഭ്യാസ സ്ഥാപനങ്ങള് അടച്ചിടാന് കലക്ടറുടെ...
29 April 2024 12:01 PM GMT