പാകിസ്താന് അപരാജിതര്; സ്കോട്ടിഷ് നിരയും വീണു; ജയം 72 റണ്സിന്
ബാബര് അസം (66), ശുഹൈബ് മാലിക്ക് (54*), ഹഫീസ് (31) എന്നിവരാണ് ഇന്ന് പാകിസ്താനായി മികച്ച ഇന്നിങ്സുകള് കാഴ്ചവച്ചവര്
ഷാര്ജ: ട്വന്റി-20 ലോകകപ്പില് അപരാജിതരായ പാകിസ്താന്.ഗ്രൂപ്പ് രണ്ടില് നടന്ന അവസാന മല്സരത്തില് സ്കോട്ട്ലന്റിനെ 72 റണ്സിനാണ് പാകിസ്താന് പരാജയപ്പെടുത്തിയത്. കളിച്ച അഞ്ച് മല്സരങ്ങളിലും വിജയിച്ച് പാകിസ്താന് ഗ്രൂപ്പ് ചാംപ്യന്മാരായി.190 എന്ന വിജയലക്ഷ്യത്തിലേക്ക് കുതിച്ച സ്കോട്ടിഷ് നിരയെ 117 റണ്സിന് പിടിച്ചുകെട്ടിയാണ് പാക് പട അഞ്ചാം ജയവും വരുതിയിലാക്കിയത്. ഈ ലോകകപ്പില് പരാജയമറിയാത്ത ഏക ടീമും പാകിസ്താനാണ്. പാകിസ്താനായി ഷഹദാബ് രണ്ട് വിക്കറ്റ് നേടിയപ്പോള് ഷഹീന് അഫ്രീഡി, ഹാരിസ് റൗഫ്, ഹസ്സന് എന്നിവര് ഓരോ വിക്കറ്റും നേടി. നിശ്ചിത ഓവറില് സ്കോട്ട്ലന്റ് ആറ് വിക്കറ്റ് നഷ്ടത്തിലാണ് 117 റണ്സെടുത്തത്. 54 റണ്സെടുത്ത് പുറത്താവാതെ നിന്ന ബെറിങ്ടണ് ആണ് സ്കോട്ട്ലന്റിന്റെ ടോപ് സ്കോറര്.
നേരത്തെ ടോസ് ലഭിച്ച പാകിസ്താന് നിശ്ചിത ഓവറില് നാല് വിക്കറ്റ് നഷ്ടത്തില് 189 റണ്സ് നേടി.ബാബര് അസം (66), ശുഹൈബ് മാലിക്ക് (54*), ഹഫീസ് (31) എന്നിവരാണ് ഇന്ന് പാകിസ്താനായി മികച്ച ഇന്നിങ്സുകള് കാഴ്ചവച്ചവര്. സെമിയില് ഓസ്ട്രേലിയയാണ് പാകിസ്താന്റെ എതിരാളി. രണ്ടാം സെമിയില് ന്യൂസിലന്റ് ഇംഗ്ലണ്ടുമായി ഏറ്റുമുട്ടും.
RELATED STORIES
എന്ഡ് ടു എന്ഡ് എന്ക്രിപ്ഷന് എടുത്തുമാറ്റാന് ആവശ്യപ്പെട്ടാല്...
26 April 2024 3:10 PM GMTകേരളത്തില് കള്ളവോട്ട് പരാതി വ്യാപകം; പത്തനംതിട്ട മണ്ഡലത്തില് ഏഴ്...
26 April 2024 3:01 PM GMTപലയിടത്തും രാത്രിയിലും നീണ്ടനിര; പോളിങ് ശതമാനം 70.03 പിന്നിട്ടു
26 April 2024 2:48 PM GMTകല്പറ്റയില് പിക്കപ്പിലേക്ക് ലോറി ഇടിച്ചുകയറി യുവാവ് മരിച്ചു
26 April 2024 2:25 PM GMTനീറ്റ് പരീക്ഷ മാര്ഗ നിര്ദേശക ക്ലാസ് 29ന്
26 April 2024 12:45 PM GMTവോട്ട് ചെയ്യുക എന്നത് ഓരോ പൗരന്റെയും അവകാശവും കടമയുമാണെന്ന് നടന്...
26 April 2024 11:33 AM GMT