ഇന്ത്യയ്ക്ക് പ്രതീക്ഷ വേണ്ട; പാകിസ്താന് അഫ്ഗാനെതിരേ ലക്ഷ്യം 130 റണ്‍സ്

ദുബായ്: ഏഷ്യാകപ്പില്‍ അഫ്ഗാനിസ്താനെതിരേ പാകിസ്താന് ലക്ഷ്യം 130 റണ്‍സ്. ടോസ് നേടിയ പാകിസ്താന്‍ അഫ്ഗാനിസ്താനെ ബാറ്റിങിനയക്കുകയായിരുന്നു. 20 ഓവറില്‍ ആറ് വിക്കറ്റ് നഷ്ടത്തില്‍ 129 റണ്‍സെടുക്കാനെ അഫ്ഗാനായുള്ളൂ. ഇബ്രാഹ്യം സദ്രാന്‍ (35) ആണ് ടോപ് സ്‌കോറര്‍. ഹസ്‌റത്തുള്ള(21), ഗുര്‍ബാസ് (17), ജനത്ത് (15), റാഷിദ് (18) എന്നിവരാണ് രണ്ടക്കം കടന്ന മറ്റ് അഫ്ഗാന്‍ താരങ്ങള്‍.ഈ മല്‍സരത്തില്‍ പാകിസ്താന്‍ പരാജയപ്പെട്ടാല്‍ ഇന്ത്യയ്ക്ക് നേരിയ ഫൈനല്‍ സാധ്യതയുണ്ട്. എന്നാല്‍ അഫ്ഗാനെ പാകിസ്താന്‍ ചെറിയ സ്‌കോറില്‍ തളച്ചതോടെ ഇന്ത്യയുടെ പ്രതീക്ഷ അവസാനിച്ചിരിക്കുകയാണ്.