ഐപിഎല്; ചെന്നൈയ്ക്ക് തുടര്ച്ചയായ മൂന്നാം ജയം
ചെന്നൈ: ഐപിഎല്ലില് രാജസ്ഥാന് റോയല്സിനെ എട്ട് റണ്സിന് തോല്പ്പിച്ച് ചെന്നൈ സൂപ്പര് കിങ്സ് സീസണിലെ തുടര്ച്ചയായ മൂന്നാം ജയവും സ്വന്തമാക്കി. ചെന്നൈ പടുത്തുയര്ത്തിയ 175 റണ്സ് പിന്പറ്റിയ രാജസ്ഥാന് റോയല്സ് 20 ഓവറില് എട്ട് വിക്കറ്റെടുത്ത്് 167 റണ്സിന് പുറത്തായി. ബൗളര്മാരുടെ പ്രകടനമാണ് ചെന്നൈയ്ക്ക് വിജയമൊരുക്കി കൊടുത്തത്. ദീപക് ചാഹര്, ശാര്ദുല് ഠാക്കുര്, ഇമ്രാന് താഹിര്, ഡ്വിയ്ന് ബ്രാവോ എന്നിവര് ചെന്നൈക്ക് വേണ്ടി രണ്ട് വിക്കറ്റ് വീതം നേടി. തുടക്കം മുതലേ ബാറ്റിങില് പാളിയ രാജസ്ഥാന് റോയല്സിന്റെ മധ്യനിരയാണ് സ്കോര് അല്പമെങ്കിലും ചലിപ്പിച്ചത്. രാഹുല് ത്രിപാഠി(39), സ്റ്റീവെന് സ്മിത്ത്(28), ബെന് സ്റ്റോക്കസ് (46),ജോഫറാ ആര്ച്ചര് (24) എന്നിവരാണ് റോയല്സിന് വേണ്ടി ഭേദപ്പെട്ട പ്രകടനം കാഴ്ചവച്ചവര്. കഴിഞ്ഞ മല്സരത്തില് സെഞ്ചുറി നേടിയ സഞ്ജു സാംസണ് 8 റണ്സിന് പുറത്തായി. ആദ്യം ടോസ് നേടിയ രാജസ്ഥാന് ചെന്നൈയെ ബാറ്റിങിനയക്കുകയായിരുന്നു. ക്യാപ്റ്റന് ധോണിയുടെ വെടിക്കട്ട് കണ്ട മല്സരത്തില് താരം 75 റണ്സെടുത്തു. 46 പന്തില് നിന്നാണ് നാല് സിക്സിന്റെ പിന്തുണയോടെ ധോണി പുറത്താവാതെ 75 റണ്സെടുത്തത്. ചെന്നൈയുടെ ഓപ്പണര്മാര് ഇക്കുറിയും ഫോം വീണ്ടെടുത്തില്ല. സുരേഷ് റെയ്ന(36), ഡ്വിയിന് ബ്രാവോ(27) എന്നിവരാണ് റോയല്സിന്റെ സ്കോര് ചലിപ്പിച്ചത്. ആര്ച്ചര് ടീമിന് വേണ്ടി രണ്ട് വിക്കറ്റ് നേടി.
RELATED STORIES
കട്ടപ്പനയിൽ കാട്ടുപന്നി കിണറ്റിൽ വീണു; വനം വകുപ്പ് ഉദ്യോഗസ്ഥരെത്തി...
20 April 2024 10:41 AM GMTത്രിപുരയില് വീണ്ടും വോട്ടെടുപ്പ് നടത്തണമെന്ന് ഇടതുമുന്നണി; പരാതിക്ക്...
20 April 2024 10:40 AM GMTതനിക്കെതിരെ എസ്എഫ്ഐ നടത്തിയത് പ്രതിഷേധമല്ല, ആക്രമണമാണ്: ഗവര്ണര്...
20 April 2024 10:34 AM GMTപക്ഷിപ്പനി; പഞ്ചായത്ത് തല സമിതികള് കൂടി മേല്നടപടികള് സ്വീകരിക്കും: ...
20 April 2024 10:30 AM GMTതൊഴിലാളികളെ രാഷ്ട്രീയവല്ക്കരിക്കും; എസ്ഡിടിയു സംസ്ഥാന പ്രതിനിധി...
20 April 2024 10:27 AM GMTനുണക്ക് സമ്മാനം കൊടുക്കുകയാണെങ്കിൽ ഒന്നാം സ്ഥാനം വിഡി സതീശന് കിട്ടും : ...
20 April 2024 10:26 AM GMT