മൈക്ക് ഹെസെണ്‍ ആര്‍സിബി കോച്ച്; ഹസരങ്കയും ചമീറയും ടീമില്‍

ദുബായ്: റോയല്‍ ചാലഞ്ചേഴ്‌സ് ബെംഗളുരു കോച്ച് സിമോണ്‍ കാറ്റിച്ചിന് പകരം മൈക്ക് ഹെസെണ്‍ സ്ഥാനമേല്‍ക്കും. വ്യക്തിപരമായ കാരണങ്ങള്‍ ചൂണ്ടി കാട്ടിയാണ് മുന്‍ കോച്ച് രാജിവച്ചത്. ഐപിഎല്ലിലെ ശേഷിക്കുന്ന മല്‍സരങ്ങളില്‍ ആര്‍സിബിയെ പരിശീലിപ്പിക്കുക മൈക്ക് ഹെസണ്‍ ആണെന്ന് ആര്‍സിബി അറിയിച്ചു. ആര്‍സിബിയുടെ ആദ്യ മല്‍സരം സെപ്തംബര്‍ 21ന് പഞ്ചാബ് കിങ്‌സിനെതിരേയാണ്. അതിനിടെ ശ്രീലങ്കന്‍ താരങ്ങളായ വാനിഡു ഹസരങ്ക, ദുഷമന്ത ചമീറ എന്നിവരെ ആര്‍സിബി ടീമിലെടുത്തു. ആദം സാമ്പ, കാനെ റിച്ചാര്‍ഡ്‌സണ്‍, ഡാനിയല്‍ സാംസ്, ഫിന്‍ അലന്‍, സ്‌കോട്ട് എന്നീ താരങ്ങള്‍ ഇക്കുറി ആര്‍സിബിക്കൊപ്പം തുടരില്ല. ഇവരില്‍ രണ്ട് പേര്‍ക്ക് പകരമാണ് ഈ താരങ്ങളെ തിരഞ്ഞെടുത്തത്.