'ബില്ല്യണ്‍ ചിയേഴ്‌സ് ജെഴ്‌സി ' ; ഇന്ത്യന്‍ ടീമിന്റെ ലോകകപ്പ് ജെഴ്‌സി പുറത്തിറക്കി

ദുബയ്: ലോകകപ്പിനുള്ള ഇന്ത്യന്‍ ക്രിക്കറ്റ് ടീമിന്റെ പുതിയ ജെഴ്‌സി പുറത്തിറക്കി. ബില്ല്യണ്‍ ചിയേഴ്‌സ് ജെഴ്‌സി എന്ന തലക്കെട്ടോടെയാണ് ബിസിസിഐ ജെഴ്‌സി പുറത്തിറക്കിയത്. ഇന്ത്യയുടെ ജെഴ്‌സി സ്‌പോണ്‍സര്‍മാരായ എംപിഎല്‍ സ്‌പോര്‍ട്‌സാണ് ജെഴ്‌സി ഇറക്കിയത്. ക്യാപ്റ്റന്‍ വിരാട് കോഹ്‌ലി, രോഹിത്ത് ശര്‍മ്മ, കെ എല്‍ രാഹുല്‍, രവീന്ദ്ര ജഡേജ, ജസ്പ്രീത് ബുംറ എന്നിവരാണ് പുതിയ ജെഴ്‌സിയില്‍ പ്രതൃക്ഷപ്പെട്ടിരിക്കുന്നത്. കടുംനീല നിറത്തിലുള്ള ജെഴ്‌സിക്ക് ഇരുവശങ്ങളിലും ഓറഞ്ച് വരകളുണ്ട്. ചിരവൈരികളായ പാകിസ്ഥാനെതിരേ ഈ മാസം 24നാണ് ഇന്ത്യയുടെ ലോകകപ്പിലെ ആദ്യ മല്‍സരം. എംപിഎല്ലിന്റെ ഓണ്‍ലൈന്‍ സ്‌റ്റോറില്‍ ജെഴ്‌സി ലഭ്യമാണ്.