രജത നേട്ടവുമായി രവി കുമാര്‍ ദഹിയ; ഗുസ്തിയില്‍ വെള്ളി

ടോക്കിയോ:ഒളിംപിക്‌സില്‍ രവി കുമാര്‍ ദഹിയക്ക് വെള്ളി. ഗുസ്തിയില്‍ പുരുഷന്‍മാരുടെ 57 കിലോഗ്രാം ഫൈനലില്‍ റഷ്യന്‍ താരം സവുര്‍ ഉഗ്വേവിനോട് രവി കുമാര്‍ പരാജയപ്പെട്ടതോടെയാണ് താരത്തിന് വെള്ളി കൊണ്ട് തൃപ്തിപ്പെടേണ്ടി വന്നത്.ഒളിംപിക്‌സില്‍ ഗുസ്തിയില്‍ ഇന്ത്യയ്ക്കായി ആദ്യ സ്വര്‍ണം നേടാമെന്ന മോഹമാണ് ഇതോടെ അവസാനിച്ചത്. ലോക ചാംപ്യനായ സവുറിനോട് 7-4നാണ് രവി കുമാര്‍ പരാജയപ്പെട്ടത്. തുടക്കം മുതലേ റഷ്യന്‍ താരം ലീഡെടുത്തിരുന്നു. ഇത് രവി കുമാറിന് തിരിച്ചടിയായി. മല്‍സരത്തിലേക്ക് തിരിച്ചുവരാനുള്ള ഒരവസരവും റഷ്യന്‍ താരം നല്‍കിയില്ല.