Top

ജിദ്ദ ഇന്ത്യന്‍ മീഡിയ ഫോറത്തിന് പുതിയ ഭാരവാഹികള്‍

ഒരു വര്‍ഷമാണ് പുതിയ കമ്മറ്റിയുടെ കാലാവധി. ജനറല്‍ ബോഡി യോഗത്തില്‍ പ്രസിഡന്റ് ഹാഷിം കോഴിക്കോട് അധ്യക്ഷത വഹിച്ചു.

ജിദ്ദ ഇന്ത്യന്‍ മീഡിയ ഫോറത്തിന് പുതിയ ഭാരവാഹികള്‍

ജിദ്ദ: ജിദ്ദയില്‍ പ്രവര്‍ത്തിക്കുന്ന മലയാള മാധ്യമപ്രവര്‍ത്തകരുടെ കൂട്ടായ്മയായ ജിദ്ദ ഇന്ത്യന്‍ മീഡിയ ഫോറത്തിന് പുതിയ ഭാരവാഹികളെ തിരഞ്ഞെടുത്തു. ജലീല്‍ കണ്ണമംഗലം-24 ന്യൂസ്, (പ്രസിഡന്റ്), സാദിഖലി തുവ്വൂര്‍-ഗള്‍ഫ് മാധ്യമം(ജനറല്‍ സെക്രട്ടറി), മുസ്തഫ പെരുവള്ളൂര്‍-ദീപിക(ഖജാഞ്ചി), സുല്‍ഫീക്കര്‍ ഒതായി-അമൃത ടിവി(വൈസ് പ്രസിഡന്റ്), മന്‍സൂര്‍ എടക്കര-വീക്ഷണം(ജോയിന്റ് സെക്രട്ടറി) എന്നിവരാണ് പുതിയ ഭാരവാഹികള്‍.

ഒരു വര്‍ഷമാണ് പുതിയ കമ്മറ്റിയുടെ കാലാവധി. ജനറല്‍ ബോഡി യോഗത്തില്‍ പ്രസിഡന്റ് ഹാഷിം കോഴിക്കോട് അധ്യക്ഷത വഹിച്ചു. സെക്രട്ടറി ഗഫൂര്‍ കൊണ്ടോട്ടി വാര്‍ഷിക റിപ്പോര്‍ട്ടും ട്രഷറര്‍ ബിജു രാമന്തളി സാമ്പത്തിക റിപ്പോര്‍ട്ടും അവതരിപ്പിച്ചു. ജനറല്‍ സെക്രട്ടറി കബീര്‍ കൊണ്ടോട്ടി തിരഞ്ഞെടുപ്പ് നിയന്ത്രിച്ചു. ഹസന്‍ ചെറൂപ്പ, പി എം മായിന്‍കുട്ടി, അബ്ദുല്‍റഹ്മാന്‍ തുറക്കല്‍, ജാഫര്‍ അലി പാലക്കോട്, കെ ടി എ മുനീര്‍, ഇബ്രാഹിം ശംനാട്, പി കെ സിറാജുദ്ധീന്‍ എന്നിവര്‍ സംസാരിച്ചു.




Next Story

RELATED STORIES

Share it