എംപി വീരേന്ദ്രകുമാര്‍ എംപിയുടെ നിര്യാണത്തില്‍ ജിദ്ദ ഇന്ത്യന്‍ മീഡിയ ഫോറം അനുശോചിച്ചു

ജിദ്ദ: പ്രമുഖ സോഷ്യലിസ്റ്റ് നേതാവും മാതൃഭൂമി മാനേജിങ് ഡയറക്ടറും എഴുത്തുകാരനും പ്രഭാഷകനും പാര്‍ലമെന്റേറിയനുമായ എംപി വീരേന്ദ്രകുമാര്‍ എംപിയുടെ നിര്യാണത്തില്‍ ജിദ്ദ ഇന്ത്യന്‍ മീഡിയ ഫോറം അനുശോചിച്ചു.

പത്രപ്രവര്‍ത്തന മേഖലയില്‍ ഏറ്റവും മുതിര്‍ന്ന ഒരാളെന്ന നിലയില്‍ അദ്ദേഹത്തിന്റെ വേര്‍പാട് മാധ്യമലോകത്തിന് നികത്താനാവാത്ത വിടവാണ് ഉണ്ടാക്കിയിരിക്കുന്നത്.

മാധ്യമപ്രവര്‍ത്തനത്തോടൊപ്പം പുസ്തക രചനയിലും പ്രസാധന മേഖലയിലും രാഷ്ട്രീയത്തിലും അതികായകനായിരുന്ന, പൗരാവകാശ പ്രശ്‌നങ്ങളില്‍ ശക്തമായി ഇടപെടുകയും മാധ്യമ സ്വാതന്ത്ര്യത്തിന് വേണ്ടി നിരന്തരം ശബ്ദമുയര്‍ത്തുകയുമെല്ലാം ചെയ്ത അദ്ദേഹത്തിന്റെ നിര്യാണം കേരളത്തിനെന്നല്ല ഇന്ത്യക്ക് തന്നെ തീരാനഷ്ട്മാണെന്നും ഫോറം ഭാരവാഹികള്‍ പ്രസ്താവനയില്‍ പറഞ്ഞു.