പെരിങ്ങത്തൂരിലെ പ്രവാസി ഗൃഹപ്രവേശത്തിന്റെ തലേന്ന് നാട്ടില്‍ മരിച്ചു

ദുബയ്: പെരിങ്ങത്തൂര്‍ സ്വദേശിയായ പ്രവാസി ഗൃഹപ്രവേശത്തിന്റെ തലേന്ന് നാട്ടില്‍ മരിച്ചു. പെരിങ്ങത്തൂര്‍ മത്തിപ്പറമ്പിലെ പരേതനായ മൊട്ടന്‍തറമ്മല്‍ കുഞ്ഞിമൂസ-ആയിശ ദമ്പതികളുടെ മകന്‍ ഹാരിസ്(44) ആണ് വെള്ളിയാഴ്ച പുലര്‍ച്ചെ മരണപ്പെട്ടത്. ദുബയ് ദേരയില്‍ ഒരു സ്വകാര്യ സ്ഥാപനത്തില്‍ ജോലി ചെയ്തുവരികയായിരുന്ന ഹാരിസ് കുടുംബസമേതം പുതിയ വീട്ടില്‍ താമസം തുടങ്ങാനായി ദിവസങ്ങള്‍ക്ക് മുമ്പാണ് നാട്ടിലെത്തിയത്. ഹൃദയാഘാതത്തെ തുടര്‍ന്ന് കുഴഞ്ഞു വീണ ഹാരിസിനെ ആശുപത്രിയിലെത്തിച്ചെങ്കിലും രക്ഷിക്കാനായില്ല. ഭാര്യ: ഷംനത്ത്. മക്കള്‍: ഫാത്വിമത്ത് റിദ, ഫാത്വിമത്ത് നിദ, മുഹമ്മദ്. സഹോദരങ്ങള്‍: സക്കീന, ഹമീദ്, മുനീര്‍(ഖത്തര്‍).

Expatriate from Peringathur died at home on the eve of his house warming