ദുബയ്: എംഎം അക്ബറിന്റെ റമദാന്‍ പ്രഭാഷണം വ്യാഴാഴ്ച

ദുബയ്: ഇരുപത്തി മൂന്നാമത് ദുബയ് അന്തരാഷ്ട്ര ഹോളി ഖുര്‍ആന്‍ അവാര്‍ഡ് കമ്മിറ്റി യുഎഇ ഇന്ത്യന്‍ ഇസ്‌ലാഹി സെന്ററുമായി സഹകരിച്ചു നടത്തുന്ന റമദാന്‍ പ്രഭാഷണം വ്യാഴാഴ്ച രാത്രി 10 മണിക്ക് ദുബൈ ഔദ് മേത്തയിലെ അല്‍വസല്‍ ക്ലബ്ബ് ഓഡിറ്റോറിയത്തില്‍വച്ച് നടക്കും. പ്രമുഖ വാഗ്മിയും നിച്ച് ഓഫ് ട്രൂത്ത് ഡയറക്ടറുമായ എം എം അക്ബര്‍, പണ്ഡിതനും പ്രഭാഷകനുമായ അബ്ദുല്‍ ഹസീബ് മദനി എന്നിവര്‍ സംബന്ധിക്കും. 'സഹിഷ്ണുത, സഹവര്‍ത്തിത്വം, ഇസ്‌ലാം' എന്ന വിഷയത്തിലാണ് പ്രഭാഷണങ്ങള്‍.

പരിപാടിയില്‍ പങ്കെടുക്കുന്നതിനായി യുഎഇയുടെ വിവിധ ഭാഗങ്ങളില്‍നിന്നും വാഹനസൗകര്യം ഏര്‍പ്പെടുത്തിയിട്ടുണ്ടെന്നും സ്ത്രീകള്‍ക്കും കുട്ടികള്‍ക്കും പ്രത്യേക സ്ഥലസൗകര്യം ലഭ്യമാണെന്നും കാര്‍ പാര്‍ക്കിങിനു വിശാലമായ സൗകര്യമുണ്ടെന്നും സംഘാടകര്‍ അറിയിച്ചു. കൂടുതല്‍ വിവരങ്ങള്‍ക്ക് 0526412578