കുവൈത്തില്‍ 319 പേര്‍ക്ക് ഇന്ന് കൊവിഡ്; ഒരു മരണം

കുവൈത്ത് സിറ്റി: രാജ്യത്തെ കൊവിഡ് മൂലം ഇന്ന് ഒരാള്‍ മരിച്ചു. ഇതോടെ രാജ്യത്ത് വൈറസ് ബാധിച്ച് മരിച്ചവരുടെ എണ്ണം 875 ആയി. 319 പേര്‍ക്കാണ് ഇന്ന് രോഗം സ്ഥിരീകരിച്ചത്. ഇതടക്കം ഇന്ന് വരെ ആകെ കൊറോണ വൈറസ് ബാധയേറ്റവരുടെ എണ്ണം 1,42,195 ആയി.

586പേര്‍ ഇന്ന് രോഗ മുക്തരായി. ഇതോടെ ആകെ രോഗ മുക്തി നേടിയവരുടെ എണ്ണം 1,35,889 ആയി.

മാസങ്ങള്‍ക്ക് ശേഷം ചികില്‍സയില്‍ കഴിയുന്ന രോഗികളുടെ എണ്ണം ആറായിരത്തില്‍ താഴെയായി 5431ല്‍ എത്തി. തീവ്ര പരിചരണ വിഭാഗത്തില്‍ കഴിയുന്ന രോഗികളുടെ എണ്ണവും ഗണ്യമായി കുറഞ്ഞ് 77ലെത്തിയിട്ടുണ്ട്. കഴിഞ്ഞ 24 മണിക്കൂറിനിടെ നടത്തിയ 4242 പേരടക്കം 10,86,669 പേരിലാണു ഇത് വരെ സ്രവ പരിശോധന നടത്തപ്പെട്ടത്