ചര്ച്ചകള്ക്കായി യുക്രെയ്നിലെ സൈനികനീക്കം നിര്ത്തില്ല; യുദ്ധം തുടരുമെന്ന് വ്യക്തമാക്കി റഷ്യന് വിദേശകാര്യമന്ത്രി
സമാധാന ചര്ച്ചകള്ക്ക് ഫലപ്രാപ്തിയുണ്ടാകാത്തതിന് പാശ്ചാത്യ രാജ്യങ്ങളെ ലവ്റോവ് കുറ്റപ്പെടുത്തി. യുക്രെയ്ന് നഗരമായ ബുച്ചയിലടക്കം റഷ്യന് സൈനികര് യുദ്ധകുറ്റകൃത്യങ്ങളില് ഏര്പ്പെട്ടതായുള്ള ആരോപണങ്ങള് ഉന്നയിച്ച് സമാധാന ചര്ച്ചകളെ അട്ടിമറിക്കാനാണ് പാശ്ചാത്യ രാജ്യങ്ങള് ശ്രമിക്കുന്നതെന്ന് അദ്ദേഹം ആരോപിച്ചു.
മോസ്കോ: യുക്രെയ്നില് റഷ്യ നടത്തുന്ന സൈനിക നീക്കം, സമാധാന ചര്ച്ചകള്ക്കുവേണ്ടി നിര്ത്തിവെക്കില്ലെന്ന് റഷ്യന് വിദേശകാര്യ മന്ത്രി സെര്ജി ലവ്റോവ്. യുക്രെയ്നുമായി ചര്ച്ചകള് തുടരുമെന്നും റഷ്യയുടെ ഔദ്യോഗിക ടെലിവിഷന് അനുവദിച്ച അഭിമുഖത്തില് അദ്ദേഹം പറഞ്ഞു.
സമാധാന ചര്ച്ചകള്ക്ക് ഫലപ്രാപ്തിയുണ്ടാകാത്തതിന് പാശ്ചാത്യ രാജ്യങ്ങളെ ലവ്റോവ് കുറ്റപ്പെടുത്തി. യുക്രെയ്ന് നഗരമായ ബുച്ചയിലടക്കം റഷ്യന് സൈനികര് യുദ്ധകുറ്റകൃത്യങ്ങളില് ഏര്പ്പെട്ടതായുള്ള ആരോപണങ്ങള് ഉന്നയിച്ച് സമാധാന ചര്ച്ചകളെ അട്ടിമറിക്കാനാണ് പാശ്ചാത്യ രാജ്യങ്ങള് ശ്രമിക്കുന്നതെന്ന് അദ്ദേഹം ആരോപിച്ചു.
നേരത്തെ ബലാറൂസില് വെച്ച് സമാധാന ചര്ച്ചകള് നടന്ന ഘട്ടത്തില് യുക്രെയ്നിലെ സൈനിക നീക്കം നിര്ത്തിവെക്കാന് പ്രസിഡന്റ് പുടിന് നിര്ദേശിച്ചിരുന്നു. എന്നാല് ഇപ്പോള് തങ്ങളുടെ ആ നിലപാടില് മാറ്റംവന്നിട്ടുണ്ടെന്നും ലവ്റോവ് പറഞ്ഞു. ചര്ച്ചകളില് തീരുമാനം ഉണ്ടാകുന്നതുവരെ ഇനി സൈനികനടപടികള് നിര്ത്തിവെക്കില്ലെന്നും ലവ്റോവ് വ്യക്തമാക്കി.
മാര്ച്ച് 29ന് തുര്ക്കിയില് നടന്ന ചര്ച്ചയില് യുക്രെയ്ന് പ്രതിനിധികള് ഉന്നയിച്ച ആവശ്യങ്ങളില്നിന്ന് പിന്നീട് പിന്മാറിയതായി ലവ്റോവ് നേരത്തെ ആരോപിച്ചിരുന്നു. യുദ്ധം അവസാനിപ്പിക്കാന് യുക്രെയ്ന്് താല്പര്യമില്ലെന്നും അദ്ദേഹം പറഞ്ഞിരുന്നു.
RELATED STORIES
പലയിടത്തും രാത്രിയിലും നീണ്ടനിര; പോളിങ് ശതമാനം 70.03 പിന്നിട്ടു
26 April 2024 2:48 PM GMTകല്പറ്റയില് പിക്കപ്പിലേക്ക് ലോറി ഇടിച്ചുകയറി യുവാവ് മരിച്ചു
26 April 2024 2:25 PM GMTസംസ്ഥാനത്ത് പലയിടത്തും വോട്ടിങ് മന്ദഗതിയിലെന്ന് ആക്ഷേപം; പോളിങ്...
26 April 2024 12:36 PM GMTവോട്ട് ചെയ്യുക എന്നത് ഓരോ പൗരന്റെയും അവകാശവും കടമയുമാണെന്ന് നടന്...
26 April 2024 11:33 AM GMTപത്തനംതിട്ടയില് ചിഹ്നം മാറിയെന്ന് പരാതി; വോട്ട് ചെയ്തപ്പോള് വി വി...
26 April 2024 11:30 AM GMTകോഴിക്കോട്ട് കക്കാടംപൊയിലിൽ വോട്ടു ചെയ്യാൻ പോയ കുടുംബം സഞ്ചരിച്ച കാർ...
26 April 2024 11:14 AM GMT