ഫ്ളോറിഡയില് വീണ്ടും വെടിവയ്പ്പ്; കുട്ടിയടക്കം രണ്ടുപേര് കൊല്ലപ്പെട്ടു, അക്രമിയെയും വധിച്ചു
മിയാമിയില്നിന്ന് 130 കിലോമീറ്റര് അകലെ റോയല് പാം ബീച്ചിലെ പബ്ലിക്സ് ഗ്രോസറി ഷോപ്പിലാണ് വെടിവയ്പ്പുണ്ടായത്.
വാഷിങ്ടണ്: ഫ്ളോറിഡയിലെ പലചരക്കുകടയിലുണ്ടായ വെടിവയ്പ്പില് മൂന്നുപേര് കൊല്ലപ്പെട്ടു. പുരുഷനും സ്ത്രീയും ഒരു കുട്ടിയുമാണ് മരിച്ചതെന്ന് പോലിസ് അറിയിച്ചു. ഇതില് ഒരാള് വെടിവയ്പ്പ് നടത്തിയ അക്രമിയാണ്. വെടിവയ്പ്പ് സംബന്ധിച്ച കൂടുതല് വിവരങ്ങള് പോലിസ് പുറത്തുവിട്ടിട്ടില്ല. ഇപ്പോള് സ്ഥിതി നിയന്ത്രണവിധേയമാണെന്ന് പോലിസ് അറിയിച്ചു. ഒരാഴ്ചയ്ക്കിടെ ഇത് രണ്ടാം തവണയാണ് ഫ്ളോറിഡയില് വെടിവയ്പ്പ് നടക്കുന്നത്. മിയാമിയില്നിന്ന് 130 കിലോമീറ്റര് അകലെ റോയല് പാം ബീച്ചിലെ പബ്ലിക്സ് ഗ്രോസറി ഷോപ്പിലാണ് വെടിവയ്പ്പുണ്ടായത്.
ഇരകളെക്കുറിച്ചോ സാഹചര്യങ്ങളെക്കുറിച്ചോ കൂടുതല് വിവരങ്ങള് പാം ബീച്ച് കൗണ്ടി ഷെരീഫ് ഓഫിസ് നല്കിയിട്ടില്ല. ഞായറാഴ്ച ഫ്ളോറിഡയില് നടന്ന വെടിവയ്പ്പില് മൂന്നുപേര് കൊല്ലപ്പെടുകയും അഞ്ചുപേര്ക്ക് പരിക്കേല്ക്കുകയും ചെയ്തിരുന്നു. അതിന് മുമ്പുണ്ടായ സമാനസംഭവത്തില് മിയാമി പ്രദേശത്തെ ഒരു സംഗീത കച്ചേരി നടക്കുന്ന സ്ഥലത്തിന് പുറത്ത് ജനക്കൂട്ടത്തിന് നേരെ മൂന്നുപേര് പ്രകോപനമൊന്നുമില്ലാതെ വെടിയുതിര്ക്കുകയായിരുന്നു. സംഭവത്തില് രണ്ടുപേര് കൊല്ലപ്പെടുകയും 20 പേര്ക്ക് പരിക്കേല്ക്കുകയും ചെയ്തിരുന്നു.
RELATED STORIES
കള്ളന്മാർക്ക് രക്ഷപ്പെടാൻ പഴുതുകളുള്ള ജനാധിപത്യം, ഇന്ത്യ അടുത്തൊന്നും...
26 April 2024 8:00 AM GMTമതേതര ഇന്ത്യയെ കാക്കാനും വർഗീയത എതിർക്കാനും ജനം എൽഡിഎഫിനൊപ്പം...
26 April 2024 7:58 AM GMTകോഴിക്കോട് യുവാവിന് കുത്തേറ്റു; ആക്രമണത്തിന് പിന്നില് ബിജെപിയെന്ന്...
26 April 2024 7:57 AM GMTജയിലില് കഴിയുന്ന നേതാക്കളെ താരപ്രചാരകരാക്കി എഎപി; കെജ്രിവാളിന്റെ...
26 April 2024 7:03 AM GMTകേന്ദ്ര-സംസ്ഥാന സർക്കാരുകളോടുള്ള പ്രതിഷേധം തിരഞ്ഞെടുപ്പിൽ...
26 April 2024 6:46 AM GMTരാജ്യത്തുടനീളം കോണ്ഗ്രസ് അനുകൂല സാഹചര്യമെന്ന് ജയറാം രമേശ്
26 April 2024 6:29 AM GMT