ഇന്ത്യയിലെ തിരഞ്ഞെടുപ്പ് കഴിയും വരെ ഇന്ത്യ- പാക് ബന്ധം വഷളായി തന്നെ തുടരുമെന്നു ഇമ്രാന്‍ ഖാന്‍

ഇസ്‌ലാമാബാദ്: പാക് വിരുദ്ധ വികാരം ആളിക്കത്തിച്ചാണ് ഇന്ത്യന്‍ പ്രധാനമന്ത്രി നരേന്ദ്രമോദി പൊതു തിരഞ്ഞെടുപ്പിനെ നേരിടുന്നതെന്നും അതിനാല്‍ തന്നെ തിരഞ്ഞെടുപ്പ് കഴിയും വരെ ഇന്ത്യ- പാക് ബന്ധം വഷളായി തന്നെ തുടരുമെന്നും പാക് പ്രധാനമന്ത്രി ഇമ്രാന്‍ ഖാന്‍. തിരഞ്ഞെടുപ്പ് കഴിയുംവരെ പ്രശ്‌നങ്ങള്‍ തുടര്‍ന്നു കൊണ്ടേയിരിക്കുമെന്നു തങ്ങള്‍ക്കറിയാം. എന്നാല്‍ ഇന്ത്യയുടെ ഏതു തരത്തിലുള്ള പ്രകോപനങ്ങളും നേരിടാന്‍ തയ്യാറായി തന്നെയാണ് തങ്ങള്‍ നിലകൊള്ളുന്നതെന്നും ഇമ്രാന്‍ ഖാന്‍ പറഞ്ഞു. ഇന്ത്യാ- പാക് പ്രശ്‌നം പരിഹരിക്കാന്‍ ചര്‍ച്ച നടത്തണമെന്നും ഇതിനായി പാക് പ്രധാനമന്ത്രി നടത്തുന്ന ശ്രമങ്ങള്‍ അഭിനന്ദനാര്‍ഹമാണെന്നും നാഷനല്‍ കോണ്‍ഫറന്‍സ് നേതാവ് ഉമര്‍ അബ്ദുല്ല കഴിഞ്ഞ ദിവസം പറഞ്ഞിരുന്നു. ഈ പശ്ചാത്തലത്തിലാണ് ഇമ്രാന്‍ഖാന്റെ പ്രസ്താവന.