കുവൈത്തില്‍ ഇന്ന് 1,332 പുതിയ കൊവിഡ് രോഗികള്‍; ഏഴ് മരണം

കുവൈത്ത് സിറ്റി: കുവൈത്തില്‍ കൊവിഡ്19 രോഗ ബാധിതരുടെ എണ്ണത്തില്‍ കുതിപ്പ് തുടരുന്നു. ഇന്ന് നടത്തിയ 7,365 പരിശോധനകളില്‍ 1332 പേര്‍ക്കാണ് കൊവിഡ് സ്ഥിരീകരിച്ചത്. ഇതോടെ രാജ്യത്തെ കൊവിഡ് രോഗികളുടെ എണ്ണം 210,855 ആയി. ഇതില്‍ 219 രോഗികളുടെ നില ഗുരുതരമാണ്.

ഇന്ന് ഏഴ് കൊവിഡ് മരണങ്ങള്‍ റിപ്പോര്‍ട്ട് ചെയ്തു. ഇതോടെ ആകെ മരിച്ചവരുടെ എണ്ണം 1,179 ആയി. രാജ്യത്ത് രോഗ വിമുക്തി നേടിയവരുടെ എണ്ണം 195,507 ആയി. 14,169 പേര്‍ നിലവില്‍ ചികില്‍സയില്‍ ആണ്.