ജപ്പാനിലെ സുനാമി മുന്നറിയിപ്പ് പിന്‍വലിച്ചു

ജപ്പാനിലെ സുനാമി മുന്നറിയിപ്പ് പിന്‍വലിച്ചു


ടോക്കിയോ: ജപ്പാനിലെ പടിഞ്ഞാറന്‍ തീരമായ യമഗാട്ടയില്‍ റിക്റ്റര്‍ സ്‌കെയിലില്‍ 6.8 രേഖപ്പെടുത്തിയ ഭൂചലനത്തെ തുടര്‍ന്ന് പുറപ്പെടുവിച്ച സുനാമി മുന്നറിയിപ്പ് പിന്‍വലിച്ചു. ഭൂചലനത്തെ തുടര്‍ന്ന് സുനാമിയുണ്ടാവാനും തിരമാലകള്‍ 3.3 മീറ്റര്‍ ഉയരാനും സാധ്യതയുണ്ടെന്നു കാണിച്ച് ജപ്പാന്‍ കാലാവസ്ഥ നിരീക്ഷണ വകുപ്പ് മുന്നറിയിപ്പ് നല്‍കിയിരുന്നു. മുന്നറിയിപ്പിനെ തുടര്‍ന്ന് രണ്ട് ബുള്ളറ്റ് ട്രെയിനുകള്‍ റദ്ദാക്കുകയും കാഷിവസാകികാരിവ ആണവ വൈദ്യുത നിലയത്തിലെ ഏഴ് റിയാക്റ്ററുകള്‍ അടയ്ക്കുകയും ചെയ്തിരുന്നു. എന്നാല്‍, ഇതുവരെ പ്രശ്‌നങ്ങളൊന്നും റിപോര്‍ട്ട് ചെയ്തില്ലെന്നു വാര്‍ത്താ ഏജന്‍സികള്‍ റിപോര്‍ട്ട് ചെയ്തു. 2011 മാര്‍ച്ച് 11നു ജപ്പാനെ പിടിച്ചുകുലുക്കിയ സുനാമിയില്‍ ഫുക്കുഷിമ ആണവ നിലയം തകരുകയും ഏകദേശം 18000 പേര്‍ കൊല്ലപ്പെടുകയും ചെയ്തിരുന്നു.



RELATED STORIES

Share it
Top