ലോകത്ത് കൊവിഡ് ബാധിതരുടെ എണ്ണം 72 ലക്ഷത്തിലേക്ക്; മരണം നാലുലക്ഷം, 24 മണിക്കൂറിനിടെ ഒരുലക്ഷം പുതിയ കേസുകള്
അമേരിക്കയ്ക്ക് പിന്നാലെ ബ്രസീലിലും കൊവിഡ് രോഗികളുടെ എണ്ണം അതിവേഗം കുതിക്കുകയാണ്. കഴിഞ്ഞ ഒരുദിവസം 18,925 പേര്ക്കാണ് ബ്രസീലില് പുതുതായി രോഗം സ്ഥിരീകരിച്ചത്.
വാഷിങ്ടണ്: ആഗോളതലത്തില് കൊവിഡ് സ്ഥിരീകരിച്ചവരുടെ എണ്ണം 72 ലക്ഷത്തിലേക്ക് കടക്കുന്നു. 24 മണിക്കൂറിനിടെ ലോകത്താകെ ഒരുലക്ഷത്തിലധികം പുതിയ കേസുകളാണ് റിപോര്ട്ട് ചെയ്തത്. അമേരിക്കയ്ക്ക് പിന്നാലെ ബ്രസീലിലും കൊവിഡ് രോഗികളുടെ എണ്ണം അതിവേഗം കുതിക്കുകയാണ്. കഴിഞ്ഞ ഒരുദിവസം 18,925 പേര്ക്കാണ് ബ്രസീലില് പുതുതായി രോഗം സ്ഥിരീകരിച്ചത്. അമേരിക്കയില് ഈ സമയം 19,044 പേര്ക്കും രോഗബാധയുണ്ടായി. അമേരിക്കയ്ക്കൊപ്പം ബ്രസീലിലും പുതിയ പോസിറ്റീവ് കേസുകള് കുതിച്ചുയരുകയാണെന്നാണ് ഈ കണക്കുകള് സൂചിപ്പിക്കുന്നത്.
കഴിഞ്ഞ 24 മണിക്കൂറിനിടെ 1,07,270 പേര്ക്ക് രോഗം സ്ഥിരീകരിച്ചതോടെ ലോകത്തെ ആകെ കൊവിഡ് കേസുകളുടെ എണ്ണം 71,99,306 ലേയ്ക്കെത്തി. 4,08,734 പേരാണ് ഇതുവരെ മരണത്തിന് കീഴടങ്ങിയത്. ഒരുദിവസത്തിനിടെ 3,157 മരണങ്ങളുമുണ്ടായി. ലോകത്ത് രോഗം സ്ഥിരീകരിച്ച് ഇതുവരെ 35,36,274 പേര്ക്കാണ് രോഗമുക്തി ലഭിച്ചത്. 32,54,298 പേര് ഇപ്പോഴും ചികില്സയിലാണ്. ഇതില് 53,797 പേരുടെ നില ഗുരുതരവുമാണ്. രോഗികളുടെയും മരണപ്പെട്ടവരുടെയും നിരക്കില് അമേരിക്ക തന്നെയാണ് മുന്നിലുള്ളത്. 20,26,493 പേര്ക്കാണ് അമേരിക്കയില് രോഗം പിടിപെട്ടിരിക്കുന്നത്. 1,13,055 പേര് മരണപ്പെടുകയും ചെയ്തു.
7,73,480 പേര്ക്കാണ് രോഗം ഭേദമായത്. 11,39,958 പേര് ഇപ്പോഴും ചികില്സയില് തുടരുകയാണ്. ഇതില് 16,907 പേരുടെ നില ഗുരുതരമായി തുടരുന്നുണ്ടെന്ന് കണക്കുകള് വ്യക്തമാക്കുന്നു. വിവിധ രാജ്യങ്ങളിലെ രോഗബാധിതരുടെയും മരണപ്പെട്ടവരുടെയും കണക്കുകള് ഇപ്രകാരമാണ്. രോഗികള്, ബ്രാക്കറ്റില് മരണപ്പെട്ടവര് ക്രമത്തില്: ബ്രസീല്- 7,10,887 (37,312), റഷ്യ- 4,76,658 (5,971), സ്പെയിന്- 2,88,797 (27,136), യുകെ- 2,87,399 (40,597), ഇന്ത്യ- 2,66,598 (7,473), ഇറ്റലി- 2,35,278 (33,964), പെറു- 1,99,696 (5,571), ജര്മനി- 1,86,205 (8,783), ഇറാന്- 1,73,832 (8,351).
RELATED STORIES
രാഹുല് പറഞ്ഞത് മുഖ്യമന്ത്രിയെ അറസ്റ്റ് ചെയ്യണമെന്ന...
19 April 2024 3:00 PM GMTഒന്നാംഘട്ടം 60.03 ശതമാനം പോളിങ്; ത്രിപുരയും ബംഗാളും മുന്നില്
19 April 2024 2:44 PM GMTയുദ്ധഭീതി; ഇസ്രായേലിലേക്കുള്ള വിമാന സര്വീസുകള് നിര്ത്തിവച്ച് എയര്...
19 April 2024 2:14 PM GMTഇസ്രായേലിന്റെ ആണവനിലയങ്ങള് അത്യാധുനിക ആയുധങ്ങളാല് തകര്ക്കുമെന്ന്...
19 April 2024 1:15 PM GMTമഹാരാഷ്ട്രയിൽ സ്വതന്ത്രനായി മത്സരിക്കാൻ പത്രിക നൽകി 'യമരാജൻ'
19 April 2024 10:50 AM GMTജോലിക്കിടയില് കാണാതായ ആലുവ ഹെഡ് പോസ്റ്റ് ഓഫിസ് ജീവനക്കാരനെ...
19 April 2024 10:49 AM GMT