കുവൈത്തില്‍ കര്‍ഫ്യൂ ; നിരവധി പേര്‍ അറസ്റ്റില്‍

കുവൈത്ത് സിറ്റി: രാജ്യത്ത് കര്‍ഫ്യൂ നിലവില്‍ വന്ന ആദ്യ മണിക്കൂറില്‍ കര്‍ഫ്യൂ നിയമം ലംഘിച്ച 9 പേര്‍ പിടിയിലായി. ഇവരില്‍ സ്വദേശികളും വിദേശികളും ഉള്‍പ്പെടും. കര്‍ഫ്യൂ നിയമ ലംഘകരെ പാര്‍പ്പിക്കുന്നതിന് രാജ്യത്തെ 6 ഗവര്‍ണറേറ്റുകളിലും 2 വീതം വിദ്യാലയങ്ങള്‍ ഇതിനകം സജ്ജീകരിച്ചു കഴിഞ്ഞു.

ജിലീബ് അല്‍ ശുയൂഖ് , ഫര്‍വ്വാനിയ , അബു ഖലീഫ , മംഗഫ് മുതലായ സ്ഥലങ്ങളില്‍ കര്‍ഫ്യൂ നിയമ ലംഘകരെ കണ്ടെത്തുന്നതിന് പ്രത്യേക റോന്തു ചുറ്റലും നടത്തുമെന്ന് ആഭ്യന്തര മന്ത്രാലയ വൃത്തങ്ങള്‍ വ്യക്തമാക്കി. ഞായറാഴ്ച്ച വൈകീട്ട് 5 മണി മുതലാണ് രാജ്യത്ത് കര്‍ഫ്യൂ നലവില്‍ വന്നത്. വൈകീട്ട് 5 മുതല്‍ പുലര്‍ച്ചെ 4 മണി വരെ അനിശ്ചിതകാലത്തേക്കാണ് കര്‍ഫ്യൂ ഏര്‍പ്പെടുത്തിരിക്കുന്നത്. കര്‍ഫ്യൂ നേരങ്ങളില്‍ ആഭ്യന്തര, പ്രതിരോധ മന്ത്രാലയങ്ങള്‍ അനുവദിക്കുന്ന പ്രത്യേക തിരിച്ചറിയല്‍ കാര്‍ഡ് ഉള്ളവര്‍ക്ക് മാത്രമേ പുറത്ത് ഇറങ്ങാന്‍ പടുള്ളൂ. കര്‍ഫ്യൂ നിയമം ലംഘിക്കുന്നവര്‍ക്ക് 3 വര്‍ഷം തടവോ അല്ലെങ്കില്‍ പതിനായിരം ദിനാര്‍ പിഴയോ ശിക്ഷയാണ് നിയമത്തില്‍ വ്യവസ്ഥ ചെയ്തിരിക്കുന്നത്.