വയനാട് പീഡനം: പ്രതിയെ പോലിസ് സംരക്ഷിക്കുന്നതായി ബന്ധുക്കള്‍

വയനാട്: വയനാട് പീഡനക്കേസിലെ പ്രതിയെ പോലിസ് സംരക്ഷക്കുന്നതായി പെണ്‍കുട്ടിയുടെ മാതാപിതാക്കള്‍. പ്രതി ജോര്‍ജിനെ കുറിച്ച് വിവരം നല്‍കിയിട്ടും പിടികൂടുന്നില്ലെന്ന് മാതാപിതാക്കള്‍ കുറ്റപ്പെടുത്തി. പണം നല്‍കി കേസൊതുക്കാന്‍ ശ്രമിച്ചവര്‍ക്കെതിരെയും നടപടിയില്ല. പ്രതിയെ പിടിച്ചില്ലെങ്കില്‍ സ്‌റ്റേഷന് മുന്നില്‍ നിരാഹാരം തുടങ്ങുമെന്നും പെണ്‍കുട്ടിയുടെ അമ്മ പറഞ്ഞു.

പ്രതി ജോര്‍ജ്ജ് ഒളിവിലായതിനാലാണ് പിടികൂടാത്തതെന്നാണ് പൊലിസ് പറയുന്നത്. പ്രായപൂര്‍ത്തിയാകാത്ത ആദിവാസി പെണ്‍കുട്ടിയെ ഇയാള്‍ ഒന്നര വര്‍ഷം പീഡിപ്പിച്ചെന്നാണ് പരാതി. പെണ്‍കുട്ടി കഴിഞ്ഞ ദിവസം ആത്മഹത്യക്ക് ശ്രമിച്ചതോടെയാണ് സംഭവം പുറത്തറിയുന്നത്. മാതാപിതാക്കളോടൊപ്പം ജോര്‍ജിന്റെ വീട്ടില്‍ ജോലിക്ക് വന്നിരുന്ന പെണ്‍കുട്ടിയാണ് നിരന്തര പീഡനത്തിനിരയായിരിക്കുന്നത്. കുട്ടി ഇപ്പോള്‍ ചൈല്‍ഡ് ലൈനിന്റെ സംരക്ഷണയിലാണ്. അറസ്റ്റിലാകുമെന്ന് ഉറപ്പായതോടെ പ്രതി ഒളിവില്‍ പോയെന്നാണ് പൊലീസ് പറയുന്നത്.