യുഡിഎഫ് ഉന്നതാധികാര സമിതിയോഗം നാളെ ചേരും
രണ്ടില ചിഹ്നം ലഭിച്ചതിന്റെ ആത്മവിശ്വാസത്തിലാണ് കേരള കോണ്ഗ്രസ് ജോസ് പക്ഷമെങ്കിലും ചൊവ്വാഴ്ച നടക്കുന്ന യുഡിഎഫ് യോഗത്തിലേക്ക് ക്ഷണമില്ല.
തിരുവനന്തപുരം: കുട്ടനാട്, ചവറ ഉപതിരഞ്ഞെടുപ്പിന്റെ പശ്ചാത്തലത്തില് യുഡിഎഫ് ഉന്നതാധികാര സമിതിയോഗം നാളെ ചേരും. രാവിലെ 10ന് കന്റോണ്മെന്റ് ഹൗസില് പ്രതിപക്ഷനേതാവ് രമേശ് ചെന്നിത്തലയുടെ അധ്യക്ഷതയില് വീഡിയോ കോണ്ഫറന്സിങ് വഴിയാണ് യോഗം. രണ്ടില ചിഹ്നം ലഭിച്ചതിന്റെ ആത്മവിശ്വാസത്തിലാണ് കേരള കോണ്ഗ്രസ് ജോസ് പക്ഷമെങ്കിലും ചൊവ്വാഴ്ച നടക്കുന്ന യുഡിഎഫ് യോഗത്തിലേക്ക് ക്ഷണമില്ല. ഒരേ സമയം രണ്ടു വള്ളത്തില് കാലുവയ്ക്കുന്ന നിലപാടുമായി നില്ക്കുന്ന ജോസ് പക്ഷത്തെ ക്ഷണിക്കേണ്ടതില്ലെന്നാണ് യുഡിഎഫ് നിലപാട്.
മാത്രമല്ല പരസ്പരം പോരടിച്ച് നില്ക്കുന്ന കേരള കോണ്ഗ്രസുകളില് ഏതെങ്കിലും ഒരു പക്ഷം മതിയെന്നാണ് യുഡിഎഫിന്റെ പൊതു വികാരം. ജോസ് പക്ഷം വാതിലുകള് എല്ഡിഎഫിന് മുന്നില് തുറന്നിട്ടിരിക്കുന്ന പശ്ചാത്തലത്തില് അവരോട് കൂടുതല് മൃദുവായ സമീപനത്തിന്റെ ആവശ്യമില്ലെന്നാണ് കോണ്ഗ്രസിന്റെയും നിലപാട്. എല്ഡിഎഫിലേക്ക് ജോസ് പക്ഷം പോകുകയാണെങ്കില് ജോസ് കെ മാണിയുടെ രാജ്യസഭാ എംപി സ്ഥാനവും തോമസ് ചാഴിക്കാടന്റെ കോട്ടയം എംപി സ്ഥാനവും രാജിവയ്ക്കണമെന്ന് ആവശ്യപ്പെടാന് യുഡിഎഫ് തീരുമാനിച്ചിട്ടുണ്ട്. നവംബറില് നടക്കുന്ന കുട്ടനാട്, ചവറ ഉപതിരഞ്ഞെടുപ്പില് ചവറയില് ഷിബു ബേബി ജോണിനെ സ്ഥാനാർഥിയാക്കാന് കഴിഞ്ഞ തവണ മത്സരിച്ച ആര്എസ്പി തീരുമാനിച്ചിട്ടുണ്ട്. കുട്ടനാട് സീറ്റ് ജോസഫ് വിഭാഗത്തിന് നല്കാനും യുഡിഎഫില് ഏകദേശ ധാരണയായി. ഇക്കാര്യത്തില് അന്തിമ അംഗീകാരം നല്കുക മാത്രമായിരിക്കും ഇനി ചൊവ്വാഴ്ചത്തെ യുഡിഎഫ് യോഗത്തിന്റെ നടപടിക്രമം.
RELATED STORIES
മഹാരാഷ്ട്ര സ്വദേശിയെ അക്രമിച്ച് 1.75 കോടി രൂപയുടെ സ്വര്ണം കവര്ന്നു
4 May 2024 5:05 PM GMTകെഎസ്ആര്ടിസി ബസ് തടഞ്ഞ സംഭവം: മേയര് ആര്യക്കും സച്ചിന്ദേവിനുമെതിരെ...
4 May 2024 4:52 PM GMTമലയാളികളടക്കം ജീവനക്കാരെ സ്വതന്ത്രരാക്കിയെന്ന് ഇറാൻ; വിട്ടയക്കാതെ...
4 May 2024 10:53 AM GMTവയനാട് നെയ്ക്കുപ്പയിൽ വീട്ടിലേക്കുള്ള വഴിയിൽ നിർത്തിയിട്ട കാറും...
4 May 2024 10:50 AM GMTഅരളിപ്പൂവിൽ വിഷാംശം ഉണ്ടെന്ന് റിപ്പോർട്ട് കിട്ടിയിട്ടില്ലെന്ന് ...
4 May 2024 10:46 AM GMTരോഹിത് വെമുല കേസ് ; പുനരന്വേഷണം നടത്തും
4 May 2024 10:44 AM GMT