ജെഎൻയുവിലെ സംഘപരിവാര ഗുണ്ടാവിളയാട്ടം; ഏജീസ് ഓഫീസിലേക്ക് എസ്ഡിപിഐ മാർച്ച്

തിരുവനന്തപുരം: ജെഎൻയു സർവകലാശാലയിലെ സംഘപരിവാര ഗുണ്ടാവിളയാട്ടത്തിൽ പ്രതിഷേധിച്ച് എസ്ഡിപിഐ തിരുവനന്തപുരം ജില്ലാ കമ്മിറ്റിയുടെ നേതൃത്വത്തിൽ ഏജീസ് ഓഫീസിലേക്ക് മാർച്ച് നടത്തി.

ജില്ലാ വൈസ് പ്രസിഡന്റ് വേലുശേരി അബ്ദുസലാം മാർച്ച് ഉദ്ഘാടനം ചെയ്തു. പ്രതിഷേധങ്ങളെ ഗുണ്ടകളെ ഇറക്കി അടിച്ചമർത്താനാണ് ബിജെപി നേതൃത്വം നൽകുന്ന കേന്ദ്രസർക്കാർ ശ്രമിക്കുന്നത്. വിമത ശബ്ദങ്ങളെ അടിച്ചമർത്തി എല്ലാക്കാലവും അധികാര കസേരയിൽ ഇരിക്കാമെന്നത് ബിജെപിയുടെ വ്യാമോഹമാണെന്നും അദ്ദേഹം പറഞ്ഞു.

ജില്ലാ ജനറൽ സെക്രട്ടറി അഷ്റഫ് പ്രാവച്ചമ്പലം, സെക്രട്ടറി ഷബീർ ആസാദ്, ട്രഷറർ ജലീൽ കരമന സംസാരിച്ചു. മീരാസാഹിബ്, സലിം പൂജപ്പുര പ്രകടനത്തിന് നേതൃത്വം നൽകി.