പ്രായ പൂര്‍ത്തിയാവാത്ത പെണ്‍കുട്ടിയെ പീഡിപ്പിച്ച യുവാവ് പിടിയില്‍

കൊച്ചി: പ്രായപൂര്‍ത്തിയാകാത്ത പെണ്‍കുട്ടിയെ വിവാഹ വാഗ്ദാനം നല്‍കി പീഡിപ്പിച്ച യുവാവ് പിടിയില്‍. ആലങ്ങാട് സ്വദേശി അര്‍ജ്ജുന്‍ (21) ആണ് പിടിയിലായത്. പീഡനത്തിനു ശേഷം ഒളിവില്‍ പോയ പ്രതിയെ മൂന്നാറില്‍ നിന്നുമാണ് അറസ്റ്റ് ചെയ്തത്. ആലുവ ഡി വൈ എസ് പി ജി വേണുവിന്റെ നിര്‍ദ്ദേശപ്രകാരം ആലുവ ഈസ്റ്റ് പോലീസ് സ്റ്റേഷന്‍ എസ് എച്ച് ഒ എന്‍ സുരേഷ് കുമാര്‍, എസ് ഐ അബ്ദുള്‍ അസീസ്, എ എസ് ഐ വി ജി രാജേഷ്, എസ് സി പി ഒ മാരായ സാബു, ഷൈജാ ജോര്‍ജ്ജ്, സി പി ഒ ജെറീഷ് എന്നിവരടങ്ങിയ സംഘമാണ് പ്രതിയെ കസ്റ്റഡിയിലെടുത്തത്