പ്രഫഷണല് കോഴ്സുകളില് സ്പോര്ട്സ് ക്വാട്ട അഡ്മിഷന് അപേക്ഷ ക്ഷണിച്ചു
യോഗ്യതയുള്ള കായിക താരങ്ങള് എന്ട്രന്സ് എക്സാമിനേഷന്സ് കമ്മീഷണര്ക്ക് സമര്പ്പിക്കുന്ന അപേക്ഷയുടെ ഫോട്ടോസ്റ്റാറ്റ് കോപ്പി, കായികനേട്ടങ്ങളുടെ സര്ട്ടിഫിക്കറ്റുകളുടെ പകര്പ്പ് ഉള്പ്പെടെ കേരള സ്റ്റേറ്റ് സ്പോര്ട്സ് കൗണ്സിലില് സമര്പ്പിക്കണം
തിരുവനന്തപുരം: സംസ്ഥാനത്തെ എന്ജിനീയറിങ്, മെഡിക്കല്, ആയുര്വേദ, ഹോമിയോപ്പതിക്, അഗ്രിക്കള്ച്ചര് കോളേജുകളില് കായിക താരങ്ങള്ക്കായി സംവരണം ചെയ്തിട്ടുള്ള സീറ്റുകളിലേക്ക് കേരള സ്റ്റേറ്റ് സ്പോര്ട്സ് കൗണ്സില് അപേക്ഷ ക്ഷണിച്ചു. യോഗ്യതയുള്ള കായിക താരങ്ങള് എന്ട്രന്സ് എക്സാമിനേഷന്സ് കമ്മീഷണര്ക്ക് സമര്പ്പിക്കുന്ന അപേക്ഷയുടെ ഫോട്ടോസ്റ്റാറ്റ് കോപ്പി, കായികനേട്ടങ്ങളുടെ സര്ട്ടിഫിക്കറ്റുകളുടെ പകര്പ്പ് ഉള്പ്പെടെ കേരള സ്റ്റേറ്റ് സ്പോര്ട്സ് കൗണ്സിലില് സമര്പ്പിക്കണം. 2017-18, 2018-19 കലണ്ടര് വര്ഷങ്ങളില് കേരള സ്റ്റേറ്റ് സ്പോര്ട്സ് കൗണ്സില് അംഗീകരിച്ചിട്ടുള്ള കായികയിനങ്ങളില് റവന്യൂ ജില്ലയെ പ്രതിനിധീകരിച്ച് സംസ്ഥാന സ്കൂള് ചാംപ്യന്ഷിപ്പില് മൂന്നാം സ്ഥാനം നേടിയിട്ടുള്ളതാണ് കുറഞ്ഞ യോഗ്യതയായി കണക്കാക്കുന്നത്.
അപേക്ഷകര് സ്പോര്ട്സ് നിലവാരം തെളിയിക്കുന്ന സര്ട്ടിഫിക്കറ്റുകളുടെ പകര്പ്പ് മുന്ഗണനാക്രമത്തില് അപേക്ഷയോടൊപ്പം ഉള്ളടക്കം ചെയ്യണം. അസോസിയേഷനുകള് സംഘടിപ്പിക്കുന്ന ചാംപ്യന്ഷിപ്പുകളുടെ സര്ട്ടിഫിക്കറ്റുകള് അതത് കായിക ഇനങ്ങളുടെ സംസ്ഥാന അസോസിയേഷന് സെക്രട്ടറി സാക്ഷ്യപ്പെടുത്തണം. സ്കൂള് ഗെയിംസ് സര്ട്ടിഫിക്കറ്റുകള് വിദ്യാഭ്യാസ ഡെപ്യൂട്ടി ഡയറക്ടര് (സ്പോര്ട്സ്) സാക്ഷ്യപ്പെടുത്തണം. അപേക്ഷ സമര്പ്പിക്കേണ്ട അവസാന തിയതി ഫെബ്രുവരി 28 വൈകീട്ട് അഞ്ച് മണി. അപേക്ഷകള് അയക്കേണ്ട വിലാസം: സെക്രട്ടറി, കേരള സ്റ്റേറ്റ് സ്പോര്ട്സ് കൗണ്സില്, തിരുവനന്തപുരം-1. ഫോണ്: 0471-2330167, 2331546. എന്ട്രന്സ് എക്സാമിനേഷന്സ് കമ്മീഷണര് പുറപ്പെടുവിച്ചിട്ടുള്ള പ്രോസ്പെക്ടസില് പ്രതിപാദിച്ചിരിക്കുന്ന വിദ്യാഭ്യാസ യോഗ്യതയും മിനിമം മാര്ക്കും ഉള്ളവരുടെ അപേക്ഷകള് മാത്രമേ സ്പോര്ട്സ് ക്വാട്ടാ പ്രവേശനത്തിനും പരിഗണിക്കൂ.
RELATED STORIES
ജാവദേക്കര് ഇ പിയുമായി ചര്ച്ച നടത്തിയത് പിണറായിക്കു വേണ്ടി; സുധാകരന് ...
25 April 2024 11:24 AM GMTമസ്ജിദിനു നേരെ 'അമ്പെയ്ത' ഹൈദരാബാദിലെ ബിജെപി സ്ഥാനാര്ഥിയുടെ ആസ്തി 221 ...
25 April 2024 11:03 AM GMTതൃശ്ശൂർ പൂരത്തിനിടെ വിദേശ വ്ളോഗർമാർക്ക് നേരേ ലൈംഗികാതിക്രമം
25 April 2024 10:54 AM GMT41 ഡിഗ്രി സെൽഷ്യസ് വരെ താപനില ഉയരാൻ സാധ്യത, പാലക്കാട് ഉഷ്ണതരംഗ...
25 April 2024 10:52 AM GMTഅരുണാചലിൽ മണ്ണിടിച്ചിൽ; ചൈന അതിർത്തിയിലേക്കുള്ള ദേശീയപാത തകർന്നു
25 April 2024 10:51 AM GMTവെറ്ററിനറി സർവ്വകലാശാല മുൻ വിസിയുടെ സസ്പെൻഷൻ: ഗവർണറുടെ നടപടി ഹൈക്കോടതി ...
25 April 2024 10:50 AM GMT