പോക്‌സോ കേസിലെ പ്രതി പോലിസ് കസ്റ്റഡിയില്‍നിന്നും രക്ഷപ്പെട്ടു

കൊല്ലം: പോക്സോ കേസിലെ പ്രതി പോലിസ് കസ്റ്റഡിയില്‍നിന്നും രക്ഷപെട്ടു. തൃശൂര്‍ സ്വദേശി ബാദുഷയാണ് കൊല്ലം കുളത്തൂപ്പുഴ പോലിസ് സ്റ്റേഷനില്‍നിന്നും രക്ഷപ്പെട്ടത്. പാലക്കാട്ട് കൊപ്പാത്ത് 13 വയസുകാരിയെ പീഡിപ്പിച്ച കേസിലെ പ്രതിയാണ് ബാദുഷ.

ബാദുഷയെ വ്യാഴാഴ്ച കുളത്തൂപ്പുഴ പോലിസ് പിടികൂടിയിരുന്നു. തുടര്‍ന്ന് ഇയാള്‍ പോലിസിന്റെ കണ്ണ് വെട്ടിച്ചുമുങ്ങുകയായിരുന്നു. ഇയാളെ കണ്ടെത്താന്‍ ജില്ലയില്‍ പോലിസ് തിരച്ചില്‍ ആരംഭിച്ചു.