മലപ്പുറത്തെ ജനങ്ങളുടെ ആത്മാഭിമാനത്തെ കുഞ്ഞാലിക്കുട്ടി വെല്ലുവിളിക്കുന്നു: വി പി സാനു
മലപ്പുറം: മലപ്പുറത്തെ ജനങ്ങളുടെ ആത്മാഭിമാനത്തെ കുഞ്ഞാലികുട്ടി നിരന്തരം വെല്ലുവിളിക്കുകയാണെന്ന് ലോക്സഭാ മണ്ഡലം എല്ഡിഎഫ് സ്ഥാനാര്ഥി വി പി സാനു. മലപ്പുറം പ്രസ്ക്ലബ്ബിന്റെ സഭാംഗത്തില് സംസാരിക്കുകയായിരുന്നു അദ്ദേഹം. മലപ്പുറത്തെ ജനങ്ങളെ നിരന്തരം പരിഹസിക്കുകയാണ് ലീഗും കുഞ്ഞാലിക്കുട്ടിയും. ജനങ്ങളുടെ അടിസ്ഥാനപരമായ വിഷയങ്ങളില് പോലും അവര് ലോക്സഭയില് ഉന്നയിച്ചുകണ്ടിട്ടില്ല.
ന്യൂനപക്ഷങ്ങളെ ഗുരുതരമായി ബാധിക്കുന്ന പല പ്രശ്നങ്ങളും കുഞ്ഞാലിക്കുട്ടി പാര്ലമെന്റിലുള്ളപ്പോള് ഉയര്ന്നുവന്നിട്ടുണ്ട്. പൗരത്വ നിയമം നടപ്പാക്കുമെന്ന് പ്രഖ്യാപിച്ചപ്പോഴും അവര് ശക്തമായി പ്രതികരിച്ചില്ല. ഇപ്പോള് രാജ്നാഥ് സിങ് പറയുന്നത് ഏകസിവില്കോഡ് നടപ്പാക്കുമെന്നാണ്. അതിനെതിരേ പോലും മുസ്ലിം ലീഗ് കാര്യമായി പ്രതികരിച്ചിട്ടില്ല. ഇടതുപക്ഷമാണ് പ്രതികരിച്ചത്. കര്ഷക ബില്ലിലും ഇതായിരുന്നു അവസ്ഥ.
കോണ്ഗ്രസിനെ എളുപ്പത്തില് വിലയ്ക്കെടുക്കാന് കഴിയുമെന്ന് ബിജെപി കരുതുന്നു. അതില്നിന്ന് കേരളവും വിമുക്തമല്ലെന്നാണ് അനുഭവങ്ങള് തെളിയിക്കുന്നത്. മലപ്പുറം ലോക്സഭാ മണ്ഡലത്തില് തികഞ്ഞ വിജയപ്രതീക്ഷയാണ് തിരഞ്ഞെടുപ്പ് പര്യടനത്തിനിടയില് അനുഭവപ്പെട്ടത്. ജില്ലയിലെ 16 നിയമസഭാ സീറ്റിലും ഇടതുപക്ഷ കക്ഷികള് വിജയിക്കുമെന്നും സാനു കൂട്ടിച്ചേര്ത്തു.
RELATED STORIES
റഫ ആക്രമണം ഉടനടി നിര്ത്തണം; ഇസ്രയേലിന് ഐസിജെയുടെ ഉത്തരവ്
24 May 2024 2:55 PM GMTട്വന്റി20 ലോകകപ്പ്: ഷാഹിദ് അഫ്രീദി അംബാസഡര്
24 May 2024 12:55 PM GMTഗര്ഭസ്ഥ ശിശുവിന്റെ ലിംഗപരിശോധനയ്ക്കായി ഭാര്യയുടെ വയര് കീറി;...
24 May 2024 12:08 PM GMTപത്തനംതിട്ടയിൽ യുവാവിനെ തിയേറ്റർ കോംപൗണ്ടിൽ മരിച്ച നിലയിൽ കണ്ടെത്തി
24 May 2024 11:28 AM GMTബാര് കോഴ ആരോപണം അന്വേഷിക്കണമെന്ന് ആവശ്യം; ഡിജിപിക്ക് കത്ത് നൽകി...
24 May 2024 11:18 AM GMTബുര്ഖ ധരിച്ചെത്തുന്ന വോട്ടര്മാരെ പരിശോധിക്കണം; ബിജെപി തിരഞ്ഞെടുപ്പ്...
24 May 2024 10:38 AM GMT