പോലിസിലെ അഴിമതി: മുഖ്യമന്ത്രിയെ അന്വേഷണ പരിധിയിൽ കൊണ്ടുവരണമെന്ന് പ്രതിപക്ഷം

തി​രു​വ​ന​ന്ത​പു​രം: എസ്ഐ, എഎസ്ഐമാർക്ക് ക്വാർട്ടേഴ്സ് നിർമാണത്തിനുള്ള ഫണ്ട് വകമാറ്റി ​നി​ർ​മി​ച്ച വി​ല്ല​ക​ൾ പ്രതിപക്ഷ നേതാക്കൾ സ​ന്ദ​ർ​ശി​ച്ചു.​ ക്വാ​ർ​ട്ടേ​ഴ്സ് നി​ർ​മി​ക്കാ​നു​ള്ള ഫ​ണ്ട് ഡി​ജി​പി വ​ക​മാ​റ്റി വി​ല്ലകൾ നി​ർ​മി​ക്കു​ന്നു​വെ​ന്ന​ത് സി​എ​ജി റി​പ്പോ​ർ​ട്ടിലെ സുപ്ര​ധാ​ന​ കണ്ടെത്തലായിരുന്നു. ഇതേത്തുടർന്നാണ് ഇന്നു രാവിലെ പ്രതിപക്ഷ സംഘം വില്ലകൾ സന്ദർശിച്ചത്. പ്രതിപക്ഷഷ നേതാവ് ര​മേ​ശ് ചെ​ന്നി​ത്ത​ല​യോ​ടൊ​പ്പം കെ​പി​സി​സി അ​ധ്യ​ക്ഷ​ൻ മു​ല്ല​പ്പ​ള്ളി രാ​മ​ച​ന്ദ്ര​ൻ, എം എം ഹ​സ​ൻ, പി ടി തോ​മ​സ്, സി പി ജോ​ണ്‍ തു​ട​ങ്ങി​യ​വ​രും വി​ല്ല​ക​ൾ സ​ന്ദ​ർ​ശി​ച്ചു.

പോ​ലിസിൽ​ അഴി​മ​തി​യു​ണ്ടെ​ന്ന സി​എ​ജി റി​പ്പോ​ർ​ട്ടി​ന്‍റെ അ​ടി​സ്ഥാ​ന​ത്തി​ൽ സി​ബി​ഐ അ​ന്വേ​ഷ​ണം വേ​ണ​മെ​ന്ന് സന്ദർശനത്തിന് ശേഷം പ്ര​തി​പ​ക്ഷ നേ​താ​വ് ര​മേ​ശ് ചെ​ന്നി​ത്ത​ല ആവശ്യപ്പെട്ടു. ആ​ഭ്യ​ന്ത​ര വ​കു​പ്പ് കൈ​കാ​ര്യം ചെ​യ്യു​ന്ന മു​ഖ്യ​മ​ന്ത്രി പി​ണ​റാ​യി വി​ജ​യ​നെ കൂ​ടി അ​ന്വേ​ഷ​ണ പ​രി​ധി​യി​ൽ കൊ​ണ്ടു​വ​ര​ണം. മു​ഖ്യ​മ​ന്ത്രി അ​റി​യാ​തെ ഡി​ജി​പി ഒ​ന്നും ചെ​യ്യു​ക​യി​ല്ല. മു​ഖ്യ​മ​ന്ത്രി അ​ഴി​മ​തി​ക്ക് കു​ട​പി​ടി​ക്കു​ക​യാ​ണ്. എ​സ്ഐ​മാ​ർ​ക്കും എ​എ​സ്ഐ​മാ​ർ​ക്കും ആ​വ​ശ്യ​ത്തി​ന് ക്വാ​ർ​ട്ടേ​ഴ്സില്ല. ഫണ്ട് വകമാറ്റിയ ഡി​ജി​പി​യു​ടെ ​ന​ട​പ​ടി അം​ഗീ​ക​രി​ക്കാ​നാ​വി​ല്ല​. സി​എ​ജി റി​പ്പോ​ർ​ട്ടി​നു വി​ല​യി​ല്ലേ​യെ​ന്നും ഇ​തി​ന്‍റെ സ​ത്യാ​വ​സ്ഥ പു​റ​ത്തു​കൊ​ണ്ടു​വ​ര​ണ​മെ​ന്നും ചെ​ന്നി​ത്ത​ല ആ​വ​ശ്യ​പ്പെ​ട്ടു.

സേ​നാം​ഗ​ങ്ങ​ൾ​ക്ക് ക്വാ​ർ​ട്ടേ​ഴ്സ് നി​ർ​മി​ക്കാ​നു​ള്ള പ​ണം ഡി​ജി​പി വ​ക​മാ​റ്റി​യെ​ന്ന് പി ടി തോ​മ​സ് എം​എ​ൽ​എ നി​യ​മ​സ​ഭ​യി​ൽ ഉ​ന്ന​യി​ച്ച​താ​ണ്. പി​ന്നെ സി​എ​ജി റി​പ്പോ​ർ​ട്ട് ചോ​ർ​ത്തി​യെ​ന്ന് പ​റ​യു​ന്ന​ത് എ​ന്ത് അ​ർ​ഥ​ത്തി​ലാ​ണെന്നും ചെന്നിത്തല ചോദിച്ചു. അ​ഴി​മതി ക​ണ്ടെ​ത്തി​യ ആ​ൾ​ക്കാ​ണ് കു​ഴ​പ്പം. കു​റ്റം ചെ​യ്ത​വ​ർ​ക്ക് കു​ഴ​പ്പ​മി​ല്ല. അ​ങ്ങ​നെ​യെ​ങ്കി​ൽ പി ടി തോ​മ​സി​നെ അ​റ​സ്റ്റു ചെ​യ്യ​ട്ടെ​യെ​ന്നും അ​ദ്ദേ​ഹം പറഞ്ഞു. സി​എ​ജി റി​പ്പോ​ർ​ട്ടി​നെ​തി​രെ ആ​ഭ്യ​ന്ത​ര സെ​ക്ര​ട്ട​റി ന​ൽ​കി​യ റി​പ്പോ​ർ​ട്ട് ത​ള്ളി​ക്ക​ള​യു​ന്നു​വെ​ന്നും ചെന്നിത്തല പ​റ​ഞ്ഞു. മു​ഖ്യ​മ​ന്ത്രി പ​റ​ഞ്ഞ​തു​പോ​ലെ​യാ​ണ് ആ​ഭ്യ​ന്ത​ര സെ​ക്ര​ട്ട​റി റി​പ്പോ​ർ​ട്ട് ത​യാ​റാ​ക്കി​യ​ത്. ആ​ഭ്യ​ന്ത​ര സെ​ക്ര​ട്ട​റി കൂ​ടി അ​റി​ഞ്ഞാ​ണ് ഈ ​അ​ഴി​മ​തി​യെ​ന്നും അ​ദ്ദേ​ഹം ആരോപിച്ചു.