സംസ്ഥാനത്ത് ഇന്ധനവില ഇന്നും കൂടി; പെട്രോളിന് 105.79 രൂപ

തിരുവനന്തപുരം: ജനങ്ങളുടെ നടുവൊടിച്ച് സംസ്ഥാനത്ത് ഇന്ധനവില വീണ്ടും വര്‍ധിപ്പിച്ചു. പെട്രോള്‍ ലിറ്ററിന് 30 പൈസയും ഡീസല്‍ ലിറ്ററിന് 37 പൈസയുമാണ് വര്‍ധിപ്പിച്ചിരിക്കുന്നത്. തിരുവനന്തപുരത്ത് ഒരു ലിറ്റര്‍ പെട്രോളിന് 105.79 രൂപയും ഡീസലിന് ലിറ്ററിന് 99.10 രൂപയുമാണ് ഇന്നത്തെ പുതുക്കിയ വില. കൊച്ചിയില്‍ പെട്രോളിന് 103.97 രൂപയും ഡീസലിന് 97.39 രൂപയുമായി.

കോഴിക്കോട് പെട്രോളിന് 104.17 രൂപയും ഡീസലിന് 97.41 രൂപയുമാണ് വില. ഇന്ധന വില ഇന്നലെയും വര്‍ധിപ്പിച്ചിരുന്നു. പെട്രോളിന് 30 പൈസയും ഡീസലിന് 36 പൈസയുമാണ് ഇന്നലെ സംസ്ഥാനത്ത് വര്‍ധിപ്പിച്ചത്. രണ്ടാഴ്ച കൊണ്ട് പെട്രോളിന് 2.37 രൂപയും ഡീസലിന് 3.42 രൂപയുമാണ് വര്‍ധിച്ചത്. അന്താരാഷ്ട്ര വിപണിയില്‍ അസംസ്‌കൃത എണ്ണവില കുതിക്കുകയാണ്.