പൗരത്വ ഭേദഗതി നിയമത്തക്കുറിച്ചുള്ള ആശങ്കകള് പരിഹരിക്കണം: സീറോ മലബാര് സഭ മെത്രാന് സിനഡ്
ഭരണഘടനയുടെ അടിസ്ഥാന മൂല്യമായ മതേതരത്വം ഈ നിയമംമൂലം സംശയത്തിന്റെ ദൃഷ്ടിയില് നില്ക്കാന് ഇടവരരുത്. തിരിച്ചുപോകാന് ഇടമില്ലാത്ത വിധം രാജ്യത്ത് നിലവിലുള്ള അഭയാര്ഥികളെ മത പരിഗണന കൂടാതെ സ്വീകരിക്കാനും പൗരത്വം നല്കാനും സര്ക്കാര് തയ്യാറാകണം. പുതുതായി പൗരത്വം നല്കുന്നവരെ പുനരധിവസിപ്പിക്കുമ്പോള് വടക്കു കിഴക്കന് സംസ്ഥാനങ്ങളുടെ സാംസ്കാരിക പൈതൃകത്തെ കൂടി സര്ക്കാര് പരിഗണിക്കണം. അഭയാര്ഥികളില് ചിലരെ മതാടിസ്ഥാനത്തില് വേര്തിരിക്കുകയും പൗരത്വം നിഷേധിച്ച് സ്ഥിരമായി അഭയാര്ഥി ക്യാംപുകളില് പാര്പ്പിക്കാനുമുള്ള നീക്കം പുനപരിശോധിക്കണം
കൊച്ചി: പൗരത്വ ഭേദഗതി നിയമത്തക്കുറിച്ച് രാജ്യത്ത് നിലവിലുള്ള ആശങ്കകള് പരിഹരിക്കാന് കേന്ദ്രസര്ക്കാര് തയാറകണമെന്ന് സീറോ മലബാര് സഭയുടെ സിനഡ് ആവശ്യപ്പെട്ടു. സഭായുടെ ആസ്ഥാനമായ കാക്കനാട് സെന്റ് തോമസ് മൗണ്ടിലെ കാര്യാലയത്തില് ഇന്നലെയാണ് മെത്രാന് സിനഡ് ആരംഭിച്ചത്.സിനഡിന്റെ രണ്ടാം ദിവസമായ ഇന്ന് പൗരത്വ ഭേദഗതി നിയമത്തക്കുറിച്ച് വിശദമായ ചര്ച്ചകള് നടന്നു. ഭാരതത്തിന്റെ പവിത്രമായ ഭരണഘടന അവികലമായി പരിരക്ഷിക്കപ്പെടുന്നു എന്ന് ഉറപ്പു വരുത്താന് നിയമനിര്മ്മാതാക്കള് ശ്രദ്ധിക്കണം. ഭരണഘടനയുടെ അടിസ്ഥാന മൂല്യമായ മതേതരത്വം ഈ നിയമംമൂലം സംശയത്തിന്റെ ദൃഷ്ടിയില് നില്ക്കാന് ഇടവരരുത്. തിരിച്ചുപോകാന് ഇടമില്ലാത്ത വിധം രാജ്യത്ത് നിലവിലുള്ള അഭയാര്ഥികളെ മത പരിഗണന കൂടാതെ സ്വീകരിക്കാനും പൗരത്വം നല്കാനും സര്ക്കാര് തയ്യാറാകണം.
പുതുതായി പൗരത്വം നല്കുന്നവരെ പുനരധിവസിപ്പിക്കുമ്പോള് വടക്കു കിഴക്കന് സംസ്ഥാനങ്ങളുടെ സാംസ്കാരിക പൈതൃകത്തെ കൂടി സര്ക്കാര് പരിഗണിക്കണം. അഭയാര്ഥികളില് ചിലരെ മതാടിസ്ഥാനത്തില് വേര്തിരിക്കുകയും പൗരത്വം നിഷേധിച്ച് സ്ഥിരമായി അഭയാര്ഥി ക്യാംപുകളില് പാര്പ്പിക്കാനുമുള്ള നീക്കം പുനപരിശോധിക്കണം. ഇക്കാര്യത്തിലുള്ള സര്ക്കാരിന്റെ നിലപാടില് കൂടുതല് വ്യക്തത ആവശ്യമാണെന്നും സിനഡ് വിലയിരുത്തി.സര്ക്കാര് നിയമങ്ങളെ എതിര്ക്കാന് അക്രമമാര്ഗങ്ങള് സ്വീകരിക്കുന്നതും ജനകീയസമരങ്ങളെ ക്രൂരമായി അടിച്ചമര്ത്തി നിശബ്ദരാക്കാന് ശ്രമിക്കുന്നതും ഒരു പോലെ അധാര്മികമാണ്. ഭാരതം എന്ന മഹത്തായ രാജ്യത്ത് മതേതരത്വവും തുല്യനീതിയും നടപ്പിലാകുന്നുണ്ടെന്ന് ഓരോ പൗരനെയും ബോധ്യപ്പെടുത്താന് ഭരണകൂടത്തിന് ഉത്തരവാദിത്വമുണ്ടെന്നും സിനഡ് വ്യക്തമാക്കി.
RELATED STORIES
കള്ളന്മാർക്ക് രക്ഷപ്പെടാൻ പഴുതുകളുള്ള ജനാധിപത്യം, ഇന്ത്യ അടുത്തൊന്നും...
26 April 2024 8:00 AM GMTമതേതര ഇന്ത്യയെ കാക്കാനും വർഗീയത എതിർക്കാനും ജനം എൽഡിഎഫിനൊപ്പം...
26 April 2024 7:58 AM GMTകോഴിക്കോട് യുവാവിന് കുത്തേറ്റു; ആക്രമണത്തിന് പിന്നില് ബിജെപിയെന്ന്...
26 April 2024 7:57 AM GMTജയിലില് കഴിയുന്ന നേതാക്കളെ താരപ്രചാരകരാക്കി എഎപി; കെജ്രിവാളിന്റെ...
26 April 2024 7:03 AM GMTകേന്ദ്ര-സംസ്ഥാന സർക്കാരുകളോടുള്ള പ്രതിഷേധം തിരഞ്ഞെടുപ്പിൽ...
26 April 2024 6:46 AM GMTരാജ്യത്തുടനീളം കോണ്ഗ്രസ് അനുകൂല സാഹചര്യമെന്ന് ജയറാം രമേശ്
26 April 2024 6:29 AM GMT