മൊഫിയയുടെ ആത്മഹത്യ: ഭര്ത്താവും കുടുംബവും കസ്റ്റഡിയില്
കൊച്ചി: ആലുവയില് ഭര്തൃപീഡനം മൂലം അഭിഭാഷക വിദ്യാര്ഥിനി മൊഫിയ പര്വീണ് (21) ജീവനൊടുക്കിയ സംഭവത്തില് ഭര്ത്താവും കുടുംബവും കസ്റ്റഡിയിലായി. ഭര്ത്താവ് മുഹമ്മദ് സുഹൈലും മാതാപിതാക്കളുമാണ് പിടിയിലായത്. ഇന്ന് പുലര്ച്ചെയാണ് ഇവരെ പോലിസ് കസ്റ്റഡിയിലെടുത്തത്. കോതമംഗലത്തെ ബന്ധുവീട്ടില് ഒളിവില് കഴിയുകയായിരുന്നു. ആത്മഹത്യപ്രേരണ കുറ്റമടക്കമാണ് ഇവര്ക്കെതിരേ ചുമത്തിയിട്ടുള്ളത്.
ആലുവ കീഴ്മാട് എടയപ്പുറം കക്കാട്ടില് പ്യാരിവില്ലയില് മൊഫിയ പര്വീണിനെ ചൊവ്വാഴ്ച വൈകീട്ടാണ് സ്വന്തം വീട്ടില് തൂങ്ങി മരിച്ച നിലയില് കണ്ടെത്തിയത്. ഭര്തൃവീട്ടുകാരുമായി ചില തര്ക്കങ്ങള് നിലനില്ക്കുന്നതിനിടെയാണ് യുവതിയുടെ മരണം. ഭര്ത്താവിന്റെ വീട്ടുകാരുമായി നിരന്തരം പ്രശ്നങ്ങളുണ്ടായതിനെത്തുടര്ന്ന് യുവതി ആലുവ പോലിസില് പരാതി നല്കിയിരുന്നു. തിങ്കളാഴ്ച പോലിസ് സ്റ്റേഷനില് ഭര്തൃവീട്ടുകാരെ വിളിച്ചുവരുത്തി ചര്ച്ച നടത്തി. ഇതിന് പിന്നാലെയാണ് മൊഫിയ ജീവനൊടുക്കിയത്.
ഭര്ത്താവിനെതിരേയും ഭര്ത്തൃവീട്ടുകാര്ക്കെതിരേയും ആലുവ സിഐ സുധീറിനെതിരേയും ഗുരുതര ആരോപണങ്ങളുമായി മൊഫിയ എഴുതിയ കുറിപ്പും കണ്ടെടുത്തു. ഭര്ത്താവും മാതാപിതാക്കളും ക്രിമിനലുകളാണെന്നും അവര്ക്ക് പരമാവധി ശിക്ഷ കൊടുക്കണമെന്നും കത്തില് ആവശ്യപ്പെടുന്നുണ്ട്. പരാതിക്കാരിയെ ഭര്ത്തൃവീട്ടുകാരുടെ മുന്നിവച്ച് അവഹേളിച്ചതിനെ തുടര്ന്നുണ്ടായ മനോവിഷമമാണ് ആത്മഹത്യയില് കലാശിച്ചതെന്നാണ് വീട്ടുകാരുടെ ആരോപണം.
RELATED STORIES
ഫ്രീലാന്സ് ജോലികളുടെ കാലം
20 April 2024 7:03 AM GMTകണ്ണൂരിൽ ബോംബ് സ്ഫോടനത്തിൽ പരിക്കേറ്റ സിപിഎം പ്രവര്ത്തകൻ മരിച്ചു;...
5 April 2024 8:53 AM GMTറിയാസ് മൗലവി കൊലക്കേസ്: ആര്എസ്എസ്സുകാരായ മൂന്ന് പ്രതികളെയും കോടതി...
30 March 2024 6:06 AM GMTഒമ്പത് പോപുലര് ഫ്രണ്ട് മുന് പ്രവര്ത്തകര്ക്ക് ജാമ്യം; എന്ഐഎയ്ക്ക്...
21 March 2024 6:30 AM GMTഭരണഘടനയെ അട്ടിമറിക്കുന്ന മോദി സര്ക്കാരിനെ താഴെയിറക്കുക: പി അബ്ദുല്...
20 March 2024 6:27 PM GMTതമിഴ്നാട്ടില് എസ് ഡിപി ഐ-എഐഎഡിഎംകെ സഖ്യം; ദിണ്ടിഗല് മണ്ഡലത്തില്...
20 March 2024 5:51 PM GMT