റോഡിനെപ്പറ്റി പരാതി അറിയിക്കാന് മൊബൈല് ആപ്പുമായി മന്ത്രി പി എ മുഹമ്മദ് റിയാസ്
തിരുവനന്തപുരം: പൊതുജനങ്ങള്ക്ക് റോഡുകളെപ്പറ്റി പരാതി അറിയിക്കാന് മൊബൈല് ആപ്പ് സംവിധാനം നടപ്പാക്കുമെന്ന് പൊതുമരാമത്ത് വകുപ്പ് മന്ത്രി പി എ മുഹമ്മദ് റിയാസ് അറിയിച്ചു. പൊതുമരാമത്ത് വകുപ്പ് റോഡുകളെ പറ്റിയുള്ള ഏത് പരാതിയും ഇനി ഈ ആപ്പിലൂടെ അറിയാക്കാം. ജൂണ് 7 മുതല് ആപ്പ് ഗൂഗിള് പ്ലേ സ്റ്റോറിലും ആപ്പിള് സ്റ്റോറിലും ലഭ്യമാവുമെന്നും മന്ത്രി പറഞ്ഞു. ആപ്പ് വഴി ലഭിക്കുന്ന പരാതികള് എസ്എംഎസ് വഴിയും ഇമെയില് വഴിയും ബന്ധപ്പെട്ട റോഡ്സ് വിഭാഗം എന്ജിനീയര്മാരെ അറിയിക്കും.
പരാതി പരിഹരിച്ച ശേഷം വിവരം ആപ്പില് അപ്ഡേറ്റ് ചെയ്യും. പരാതി നല്കിയവര്ക്ക് ആപ്പിലൂടെ തന്നെ തുടര്വിവരങ്ങള് അറിയാന് സാധിക്കും. പൊതുമരാമത്ത് വകുപ്പ് നിര്മിച്ച് പരിപാലിച്ച് പോരുന്ന റോഡുകളുടെയും ആസ്തികളുടെയും ശാസ്ത്രീയമായ സംരക്ഷണത്തിനും കൃത്യമായ ധനവിനിയോഗത്തിനും വേണ്ടി നടപ്പിലാക്കുന്ന റോഡ് മൈന്റെനന്സ് മാനേജ്മെന്റ് സിസ്റ്റം (ആര്എംഎംഎസ്) പദ്ധതിയുടെ ഭാഗമായാണ് ആപ്പ് ഓരുങ്ങുന്നത്. ശാസ്ത്രീയ രീതിയില് ഉപകരണങ്ങള് ഉപയോഗിച്ച് റോഡ് വിവരങ്ങള് സോഫ്റ്റ് വെയറുകളുടെ സഹായത്തോടെ വിശകലനം ചെയ്ത് റോഡുകളുടെ പരിപാലനം സാധ്യമാക്കുന്ന രീതിയാണിത്.
ഇതുവഴി അറ്റകുറ്റപ്പണികള് നടത്തേണ്ട റോഡുകള് കണ്ടെത്താനും നിലവില് അനുവദിച്ച പദ്ധതിവിഹിതത്തിനുള്ളില് പണികള് പൂര്ത്തിയാക്കാനും സാധിക്കും. തെരഞ്ഞെടുത്ത 7000 കി.മി കോര് റോഡുമായി ബന്ധപ്പെട്ട മുഴുവന് വിവരങ്ങളും സിസ്റ്റത്തില് ഡിജിറ്റലൈസ് ചെയ്യും. 4000 കിലോമീറ്റര് ദൈര്ഘ്യമുള്ള പാതയുടെ വിവരങ്ങള് ഡിജിറ്റലൈസ് ചെയ്യുന്ന പ്രവര്ത്തനങ്ങള് ഉടന് പൂര്ത്തിയാക്കുമെന്നും മന്ത്രി അറിയിച്ചു.
RELATED STORIES
പരീക്ഷാപേപ്പറില് 'ജയ്ശ്രീറാം' എന്നെഴുതിയ വിദ്യാര്ഥികള്ക്ക്...
25 April 2024 1:05 PM GMTപട്നയില് ഹോട്ടലില് വന് തീപിടിത്തം; ആറുമരണം
25 April 2024 11:53 AM GMTജാവദേക്കര് ഇ പിയുമായി ചര്ച്ച നടത്തിയത് പിണറായിക്കു വേണ്ടി; സുധാകരന് ...
25 April 2024 11:24 AM GMTമസ്ജിദിനു നേരെ 'അമ്പെയ്ത' ഹൈദരാബാദിലെ ബിജെപി സ്ഥാനാര്ഥിയുടെ ആസ്തി 221 ...
25 April 2024 11:03 AM GMTതൃശ്ശൂർ പൂരത്തിനിടെ വിദേശ വ്ളോഗർമാർക്ക് നേരേ ലൈംഗികാതിക്രമം
25 April 2024 10:54 AM GMT41 ഡിഗ്രി സെൽഷ്യസ് വരെ താപനില ഉയരാൻ സാധ്യത, പാലക്കാട് ഉഷ്ണതരംഗ...
25 April 2024 10:52 AM GMT