പാലത്തിങ്ങല്‍ പാലത്തിലേക്ക് മിനിലോറി പാഞ്ഞ്കയറി ഡ്രൈവര്‍ മരിച്ചു

പരപ്പനങ്ങാടി: പാലതിങ്ങല്‍ പാലത്തിലേക്ക് മിനിലോറി പാഞ്ഞ് കയറി ഡ്രൈവര്‍ മരിച്ചു. കൊടിഞ്ഞി കോറ്റതങ്ങാടി ബാദുഷ(25)യാണ് മരിച്ചത്. ഇന്ന് വൈകീട്ട് ഏഴോടെ ചെമ്മാട് ഭാഗത്ത് നിന്ന് കല്ലുമായി വന്ന നിസാന്‍ മിനിലോറി പാലത്തിന്റെ കൈവരിയിലേക്ക് പാഞ്ഞ് കയറുകയായിരുന്നു. ഇടിയുടെ ആഘാതത്തില്‍ വണ്ടിയുടെ മുന്‍ഭാഗം പാലത്തിന്റെ ഷട്ടര്‍ റൂമിന്റെ സ്ലേബിന്റെ ഉള്ളിലേക്കായതിനാല്‍ െ്രെഡവര്‍ ഇതിനുള്ളില്‍ കുടുങ്ങുകയായിരുന്നു. പാലം പണിക്കെത്തിയ ജെ സി ബി ഉപയോഗിച്ച് സ്ലേബില്‍ കുടുങ്ങിയ ലോറി തകര്‍ത്താണ് ഡ്രൈവറെ പുറത്തെടുത്തത്. ഗുരതര പരിക്കോടെ ക്ലീനറേയും ആശുപത്രിയില്‍ പ്രവേശിപ്പിച്ചു. കല്‍ക്കത്ത സ്വദേശി രാജി ഗുല്‍സ് ശൈഖിനെ (22) കോഴിക്കോട് മെഡിക്കല്‍ കോളേജില്‍ പ്രവേശിപ്പിച്ചത്.