മെഡിക്കല് പ്രവേശന പരീക്ഷ:ഗള്ഫ് രാജ്യങ്ങളിലെ വിദ്യാര്ഥികളെ നാട്ടിലെത്തിക്കാനുളള സാധ്യത ആരാഞ്ഞ് ഹൈക്കോടതി
ഇക്കാര്യത്തില് നിലപാട് തേടി വിദേശകാര്യം, വ്യോമയാനം, ആഭ്യന്തരം എന്നീ മന്ത്രാലയങ്ങളെ കോടതി കക്ഷി ചേര്ത്തു. ഈ മാസം 29 നകം നിലപാടറിയിക്കാനാണ് ഹൈക്കോടതി വിവിധ മന്ത്രാലയങ്ങള്ക്ക് നിര്ദ്ദേശം നല്കിയത്
കൊച്ചി: മെഡിക്കല് പ്രവേശന പരീക്ഷക്ക് ഗള്ഫ് രാജ്യങ്ങളില് കേന്ദ്രങ്ങള് അനുവദിക്കണമെന്ന ആവശ്യത്തില് വിദ്യാര്ഥികളെ നാട്ടിലെത്തിക്കാനുള്ള സാധ്യത ആരാഞ്ഞ് ഹൈക്കോടതി. ഇക്കാര്യത്തില് നിലപാട് തേടി വിദേശകാര്യം, വ്യോമയാനം, ആഭ്യന്തരം എന്നീ മന്ത്രാലയങ്ങളെ കോടതി കക്ഷി ചേര്ത്തു. ഈ മാസം 29 നകം നിലപാടറിയിക്കാനാണ് ഹൈക്കോടതി വിവിധ മന്ത്രാലയങ്ങള്ക്ക് നിര്ദ്ദേശം നല്കിയത്.
കൊവിഡ് പശ്ചാത്തലത്തില് വിദ്യാര്ഥികള്ക്ക് കേരളത്തില് എത്താനാവില്ലെന്നും പരീക്ഷ മാറ്റി വയ്ക്കുകയോ അല്ലെങ്കില് സെന്ററുകള് അനുവദിക്കാന് കേന്ദ്ര സര്ക്കാരിന് നിര്ദേശം നല്കുകയോ വേണമെന്നാവശ്യപ്പെട്ട് ഖത്തര് കെഎംസിസി ജനറല് സെക്രട്ടറി അബ്ദുള് അസീസ് സമര്പ്പിച്ച പൊതുതാല്പര്യ ഹരജിയിലാണ് ചീഫ് ജസ്റ്റിസ് എസ് മണി കുമാറും ജസ്റ്റിസ് ഷാജി പി ചാലിയും അടങ്ങുന്ന ഡിവിഷന് ബഞ്ചിന്റെ നിര്ദേശം.
മെഡിക്കല് പ്രവേശന പരീക്ഷ വിദേശത്ത് നടത്താനാവില്ലെന്ന് മെഡിക്കല് കൗണ്സിലും നാഷണല് ടെസ്റ്റിങ് ഏജന്സിയും കോടതിയെ അറിയിച്ചു. നീറ്റ് ഓണ്ലൈന് പരീക്ഷ അല്ലെന്നും പേപ്പര് പരീക്ഷ ആണെന്നും 2016 മുതലുള്ള രീതി മാറ്റാനാവില്ലെന്നും വ്യക്തമാക്കി. ജൂലൈ 26 നാണ് മെഡിക്കല് പ്രവേശന പരീക്ഷ.
RELATED STORIES
ഐഎസ്എല് കിരീട മോഹം പൊലിഞ്ഞു; പ്ലേ ഓഫില് ഒഡീഷയോട് തോറ്റ്...
19 April 2024 6:38 PM GMTരാഹുല് പറഞ്ഞത് മുഖ്യമന്ത്രിയെ അറസ്റ്റ് ചെയ്യണമെന്ന...
19 April 2024 3:00 PM GMTഒന്നാംഘട്ടം 60.03 ശതമാനം പോളിങ്; ത്രിപുരയും ബംഗാളും മുന്നില്
19 April 2024 2:44 PM GMTയുദ്ധഭീതി; ഇസ്രായേലിലേക്കുള്ള വിമാന സര്വീസുകള് നിര്ത്തിവച്ച് എയര്...
19 April 2024 2:14 PM GMTമഹാരാഷ്ട്രയിൽ സ്വതന്ത്രനായി മത്സരിക്കാൻ പത്രിക നൽകി 'യമരാജൻ'
19 April 2024 10:50 AM GMTജോലിക്കിടയില് കാണാതായ ആലുവ ഹെഡ് പോസ്റ്റ് ഓഫിസ് ജീവനക്കാരനെ...
19 April 2024 10:49 AM GMT