മണ്ഡല മകരവിളക്ക്: ശബരിമലയില് പ്രതിദിനം 25,000 പേര്ക്ക് പ്രവേശനം
തിരുവനന്തപുരം: ശബരിമലയില് മണ്ഡല മകരവിളക്കിനോടനുബന്ധിച്ച് ആദ്യദിവസങ്ങളില് പ്രതിദിനം 25,000 പേരെ പ്രവേശിപ്പിക്കാന് മുഖ്യമന്ത്രി പിണറായി വിജയന്റെ അധ്യക്ഷതയില് ചേര്ന്ന അവലോകന യോഗം തീരുമാനിച്ചു. എണ്ണത്തില് മാറ്റം വേണമെങ്കില് പിന്നീട് ചര്ച്ച ചെയ്ത് ആവശ്യമായ നടപടി സ്വീകരിക്കും. വെര്ച്വല് ക്യൂ സംവിധാനം തുടരും. 10 വയസ്സിന് താഴെയും 65 വയസ്സിന് മുകളിലുമുള്ള തീര്ഥാടകര്ക്കും പ്രവേശനം അനുവദിക്കും. രണ്ട് ഡോസ് കൊവിഡ് വാക്സിനെടുത്തവര് അല്ലെങ്കില് ആര്ടിപിസിആര് നെഗറ്റീവ് സര്ട്ടിഫിക്കറ്റ് ഹാജരാക്കുന്നവര്ക്കാവും പ്രവേശനം നല്കുക.
അഭിഷേകം ചെയ്ത നെയ്യ് എല്ലാവര്ക്കും കൊടുക്കുന്നതിന് ദേവസ്വം ബോര്ഡ് സംവിധാനമൊരുക്കണമെന്ന് മുഖ്യമന്ത്രി പറഞ്ഞു. ദര്ശനം കഴിഞ്ഞ് സന്നിധാനത്ത് തങ്ങാന് അനുവദിക്കില്ല. ഇക്കാര്യത്തില് കഴിഞ്ഞ വര്ഷത്തെ നില തുടരും. എരുമേലി വഴിയുള്ള കാനനപാത, പുല്മേട് വഴി സന്നിധാനത്തെത്തുന്ന പരമ്പരാഗത പാത എന്നിവയിലൂടെ തീര്ത്ഥാടകരെ അനുവദിക്കില്ല.
പമ്പയില് സ്നാനത്തിന് അനുമതി നല്കും. വാഹനങ്ങള് നിലയ്ക്കല് വരെ മാത്രമേ അനുവദിക്കൂ. അവിടെ നിന്ന് പമ്പ വരെ കെഎസ്ആര്ടിസി ബസ്സുകള് ഉപയോഗിക്കണം. അതിനാവശ്യമായ സൗകര്യങ്ങള് ഏര്പ്പെടുത്താന് മുഖ്യമന്ത്രി അധികൃതര്ക്ക് നിര്ദേശം നല്കി. കെഎസ്ആര്ടിസി ബസ് സ്റ്റോപ്പുകളില് മതിയായ ശൗചാലയങ്ങള് ഉറപ്പാക്കണം. ശുചീകരണ തൊഴിലാളികളുടെ ശമ്പളം വര്ധിപ്പിക്കും. അഗ്നി സുരക്ഷാ സംവിധാനങ്ങള് നിലവിലില്ലാത്ത കെട്ടിടങ്ങളില് സ്മോക്ക് ഡിറ്റക്ടറുകള് സ്ഥാപിക്കണം. കൊവിഡ് മുക്തരില് അനുബന്ധരോഗങ്ങള് ഉള്ളവര് ആരോഗ്യസ്ഥിതി പരിശോധിച്ച് മാത്രമേ ദര്ശനത്തിന് വരാന് പാടുള്ളൂ എന്ന് മുഖ്യമന്ത്രി നിര്ദേശിച്ചു.
ദേവസ്വം മന്ത്രി കെ രാധാകൃഷ്ണന്, ആരോഗ്യമന്ത്രി വീണാ ജോര്ജ്, വനം മന്ത്രി എ കെ ശശീന്ദ്രന്, ഗതാഗത മന്ത്രി ആന്റണി രാജു, ജലവിഭവ മന്ത്രി റോഷി അഗസ്റ്റിന്, ചീഫ് വിപ്പ് ഡോ. എന് ജയരാജ്, ഡെപ്യൂട്ടി സ്പീക്കര് ചിറ്റയം ഗോപകുമാര്, എംഎല്എമാരായ സെബാസ്റ്റ്യന് കുളത്തുങ്കല്, പ്രമോദ് നാരായണ്, ചീഫ് സെക്രട്ടറി ഡോ. വി പി ജോയ്, സംസ്ഥാന പോലിസ് മേധാവി അനില് കാന്ത്, ദേവസ്വം പ്രിന്സിപ്പല് സെക്രട്ടറി കെ ആര് ജ്യോതിലാല്, വിവിധ വകുപ്പ് സെക്രട്ടറിമാര്, ഡയറക്ടര്മാര്, ജില്ലാ കലക്ടര്മാര്, ദേവസ്വം ബോര്ഡ് ചെയര്മാന് എന് വാസു, റെയില്വേ ബിഎസ്എന്എല് അധികൃതര്, ബന്ധപ്പെട്ട മുനിസിപ്പാലിറ്റി-ഗ്രാമ-ബ്ലോക്ക് പഞ്ചായത്ത് അധികൃതര്, അയ്യപ്പസേവാ സംഘം, പന്തളം രാജകൊട്ടാരം നിര്വാഹകസംഘം പ്രതിനിധികള് തുടങ്ങിയവര് പങ്കെടുത്തു.
മഹാരാഷ്ട്രയില് ബഹുനില കെട്ടിടം തകര്ന്ന് എട്ടുമരണം; 25 പേരെ...
21 Sep 2020 2:40 AM GMTമലയാറ്റൂരില് പാറമടയില് പൊട്ടിത്തെറി; രണ്ട് അന്തര്സംസ്ഥാന...
21 Sep 2020 2:18 AM GMTകോഴിക്കോട് നാദാപുരത്ത് പുഴയില് കുളിക്കാനിറങ്ങിയ യുവാവ്...
21 Sep 2020 2:00 AM GMTസംസ്ഥാനത്തെ റേഷന്കടകള്ക്ക് ഇന്ന് അവധി
21 Sep 2020 1:36 AM GMTസംസ്ഥാനത്ത് ഇന്നും അതിതീവ്ര മഴ; പത്ത് ജില്ലകളില് ഓറഞ്ച് അലര്ട്ട്,...
21 Sep 2020 1:24 AM GMTരണ്ട് പുതിയ കണ്ടെയ്ന്മെന്റ് സോണുകള്; കോട്ടയം ജില്ലയില് ആകെ 32...
21 Sep 2020 12:50 AM GMT
