മലപ്പുറത്ത് പോത്തിന്റെ കുത്തേറ്റ് യുവാവ് മരിച്ചു

മലപ്പുറം: ബൈക്കില്‍ പോകുന്നതിനിടെ പോത്തിന്റെ കുത്തേറ്റ് യുവാവ് മരിച്ചു. മലപ്പുറം മമ്പാട് തിങ്കളാഴ്ച്ച രാത്രി ഒമ്പത് മണിയോടെയായിരുന്നു സംഭവം. ഓടായിക്കല്‍ സ്വദേശിയായ വലിയ പീടിക്കല്‍ നിസാര്‍ ആണ് മരിച്ചത്. ബൈക്കില്‍ ഓടായിക്കലിലേക്ക് പോവുകയായിരുന്ന നിസാറിനെ റോഡരികിലുണ്ടായിരുന്ന പോത്ത് ആക്രമിക്കുകയായിരുന്നു. കഴുത്തില്‍ കൊമ്പു കൊണ്ടേറ്റ കുത്തിനെ തുടര്‍ന്നാണ് മരണം. നിസാറിനെ നിലമ്പൂര്‍ ജില്ലാ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല.