ലോക്ക് ഡൗണ് ലംഘനം: പിടിച്ചെടുത്ത വാഹനങ്ങള് വിട്ടുനല്കാന് ജില്ലാ പോലിസ് മേധാവിമാര്ക്ക് നിര്ദേശം
ഇരുചക്രവാഹനങ്ങള്ക്കും മുച്ചക്ര വാഹനങ്ങള്ക്കും 1,000 രൂപയും കാര്, ജീപ്പ് തുടങ്ങിയ ലൈറ്റ് മോട്ടോര് വാഹനങ്ങള്ക്ക് 2,000 രൂപയും ഇടത്തരം ചരക്ക് വാഹനങ്ങള്ക്കും സ്റ്റേജ് ക്യാരേജ്, കോണ്ട്രാക്റ്റ് കാര്യേജ് എന്നിവയ്ക്കും 4,000 രൂപയും വലിയ ചരക്ക് വാഹനങ്ങള്ക്ക് 5,000 രൂപയുമാണ് കോടതി നിശ്ചയിച്ച തുക.
തിരുവനന്തപുരം: ലോക്ക് ഡൗണ് ലംഘനവുമായി ബന്ധപ്പെട്ട് പിടിച്ചെടുത്ത വാഹനങ്ങള് ഹൈക്കോടതി നിര്ദേശിച്ച തുക സ്വീകരിച്ച് വിട്ടുനല്കാന് എല്ലാ ജില്ലാ പോലിസ് മേധാവിമാര്ക്കും സംസ്ഥാന പോലിസ് മേധാവി ലോക്നാഥ് ബെഹ്റ നിര്ദേശം നല്കി. ടിആര്-5 രസീത് നല്കി പണം സ്വീകരിച്ച് വാഹനങ്ങള് വിട്ടുനല്കാന് സ്റ്റേഷന് ഹൗസ് ഓഫിസര്മാരെയും ക്രമസമാധാനവിഭാഗം സബ്ബ് ഇന്സ്പെക്ടര്മാരെയും ചുതലപ്പെടുത്തും.
ഇരുചക്രവാഹനങ്ങള്ക്കും മുച്ചക്ര വാഹനങ്ങള്ക്കും 1,000 രൂപയും കാര്, ജീപ്പ് തുടങ്ങിയ ലൈറ്റ് മോട്ടോര് വാഹനങ്ങള്ക്ക് 2,000 രൂപയും ഇടത്തരം ചരക്ക് വാഹനങ്ങള്ക്കും സ്റ്റേജ് ക്യാരേജ്, കോണ്ട്രാക്റ്റ് കാര്യേജ് എന്നിവയ്ക്കും 4,000 രൂപയും വലിയ ചരക്ക് വാഹനങ്ങള്ക്ക് 5,000 രൂപയുമാണ് കോടതി നിശ്ചയിച്ച തുക. പോലിസ് ആവശ്യപ്പെടുമ്പോള് വാഹനം ഹാജരാക്കാമെന്ന സമ്മതപത്രത്തിന് പുറമെ ആര്സി ബുക്ക്, ലൈസന്സ്, ഇന്ഷുറന്സ് എന്നിവയുടെ പകര്പ്പും നല്കണം.
ബന്ധപ്പെട്ട ഡ്രായിങ് ആന്റ് ഡിസ്ബേഴ്സിങ് ഓഫിസറുടെ ബാങ്ക് അക്കൗണ്ടില് തുക നിക്ഷേപിച്ചശേഷം പേ സ്ലിപ് ഹാജരാക്കാനും വാഹന ഉടമയ്ക്ക് അനുമതിയുണ്ട്. ഇങ്ങനെ ശേഖരിക്കുന്ന തുക അടുത്ത ദിവസംതന്നെ ട്രഷറി അക്കൗണ്ടില് നിക്ഷേപിക്കണമെന്നും നിര്ദേശമുണ്ട്. ഇതുസംബന്ധിച്ച കണക്കുകള് സൂക്ഷിക്കുന്നതിനുളള നടപടിക്രമങ്ങള്ക്കും സംസ്ഥാന പോലിസ് മേധാവി രൂപംനല്കിയിട്ടുണ്ട്.
RELATED STORIES
കള്ളന്മാർക്ക് രക്ഷപ്പെടാൻ പഴുതുകളുള്ള ജനാധിപത്യം, ഇന്ത്യ അടുത്തൊന്നും...
26 April 2024 8:00 AM GMTമതേതര ഇന്ത്യയെ കാക്കാനും വർഗീയത എതിർക്കാനും ജനം എൽഡിഎഫിനൊപ്പം...
26 April 2024 7:58 AM GMTകോഴിക്കോട് യുവാവിന് കുത്തേറ്റു; ആക്രമണത്തിന് പിന്നില് ബിജെപിയെന്ന്...
26 April 2024 7:57 AM GMTജയിലില് കഴിയുന്ന നേതാക്കളെ താരപ്രചാരകരാക്കി എഎപി; കെജ്രിവാളിന്റെ...
26 April 2024 7:03 AM GMTകേന്ദ്ര-സംസ്ഥാന സർക്കാരുകളോടുള്ള പ്രതിഷേധം തിരഞ്ഞെടുപ്പിൽ...
26 April 2024 6:46 AM GMTരാജ്യത്തുടനീളം കോണ്ഗ്രസ് അനുകൂല സാഹചര്യമെന്ന് ജയറാം രമേശ്
26 April 2024 6:29 AM GMT