കൊയിലാണ്ടി റെയില്വേ സ്റ്റേഷനടുത്ത് പുലിയിറങ്ങിയെന്ന്; പ്രചാരണം വ്യാജമെന്ന് പോലിസ്
സമൂഹമാധ്യമങ്ങളിലൂടെ ചിത്രങ്ങള് സഹിതമാണ് പുലിയിറങ്ങിയെന്നും ഒരാളെ ആക്രമിച്ചുവെന്നുമുള്ള വാര്ത്തകള് പ്രചരിച്ചത്. പുലിയുടെ ആക്രമണത്തില് ദേഹമാസകലം പരിക്കേറ്റ ഒരാളുടെ ചിത്രവും പുലിയെ ഭയന്ന് മരത്തിന് മുകളില് കയറിയിരിക്കുന്ന ആളുകളുടെ ചിത്രവും ഉള്പ്പടെയാണ് വാട്സ് ആപ്പുകള്വഴി പ്രചരിച്ചത്.
കോഴിക്കോട്: കൊയിലാണ്ടിയില് റെയില്വെ സ്റ്റേഷന് സമീപം പുലിയിറങ്ങിയെന്ന് സമൂഹമാധ്യമങ്ങളില് വ്യാപകപ്രചാരണം. എന്നാല്, പ്രചാരണം വ്യാജമാണെന്നും ഇത്തരത്തിലൊരു സംഭവമുണ്ടായിട്ടില്ലെന്നും കൊയിലാണ്ടി പോലിസ് അറിയിച്ചു. സമൂഹമാധ്യമങ്ങളിലൂടെ ചിത്രങ്ങള് സഹിതമാണ് പുലിയിറങ്ങിയെന്നും ഒരാളെ ആക്രമിച്ചുവെന്നുമുള്ള വാര്ത്തകള് പ്രചരിച്ചത്. പുലിയുടെ ആക്രമണത്തില് ദേഹമാസകലം പരിക്കേറ്റ ഒരാളുടെ ചിത്രവും പുലിയെ ഭയന്ന് മരത്തിന് മുകളില് കയറിയിരിക്കുന്ന ആളുകളുടെ ചിത്രവും ഉള്പ്പടെയാണ് വാട്സ് ആപ്പുകള്വഴി പ്രചരിച്ചത്.
സമൂഹമാധ്യമങ്ങളില് വാര്ത്ത വ്യാപകമായി പ്രചരിച്ചതോടെ നാട്ടുകാരും പരിഭ്രാന്തിയിലായി. പോലിസ് സ്റ്റേഷനിലും മാധ്യമ ഓഫിസുകളിലുമൊക്കെ നിജസ്ഥിതി അറിയാന് നിരവധിപേരാണ് ബന്ധപ്പെട്ടുകൊണ്ടിരുന്നത്. എന്നാല്, തങ്ങളുടെ സ്റ്റേഷന് അതിര്ത്തിയില് ഇങ്ങനെയൊരു സംഭവം നടന്നിട്ടില്ലെന്നും പ്രചരിക്കുന്നത് മറ്റെവിടെയോ നടന്ന സംഭവത്തിന്റെ ചിത്രങ്ങളാണെന്നും കൊയിലാണ്ടി എസ്ഐ പറയുന്നു. കൊയിലാണ്ടിയില് പുലി ഇറങ്ങിയതായി കഴിഞ്ഞവര്ഷം ഡിസംബറിലും വ്യാജവാര്ത്തകള് പ്രചരിച്ചിരുന്നു. അന്നും വിശ്വസനീയതയ്ക്കുവേണ്ടി മോര്ഫ് ചെയ്ത പുലിയുടെ ചിത്രവും ഒപ്പം ചേര്ത്തിരുന്നു. കഴിഞ്ഞവര്ഷം പ്രചരിച്ച ചിത്രങ്ങള്തന്നെയാണ് ഇത്തവണയും ഉപയോഗിച്ചിരിക്കുന്നത്.
RELATED STORIES
ബിജെപിക്ക് വോട്ട് ചെയ്തില്ലെങ്കില് വീട്ടില് ബുള്ഡോസര് എത്തും;...
18 April 2024 5:28 PM GMTവീണ്ടും ഇഡി ; ആം ആദ്മി എംഎല്എ അമാനത്തുള്ള ഖാന് അറസ്റ്റില്
18 April 2024 5:07 PM GMTപ്രമേഹം കൂട്ടി ജാമ്യം ലഭിക്കാൻ കെജ്രിവാൾ ജയിലിൽ മാങ്ങയും മധുരവും...
18 April 2024 12:34 PM GMTതെലങ്കാനയില് സ്കൂളിന് നേരെ ഹിന്ദുത്വ സംഘടനകളുടെ ആക്രമണം; മലയാളി...
18 April 2024 10:30 AM GMTകാസര്കോട് മോക്പോളില് ബിജെപിക്ക് അധിക വോട്ട് കിട്ടിയിട്ടില്ല;...
18 April 2024 10:13 AM GMTലോക്സഭാ തിരഞ്ഞെടുപ്പ്; നാലാംഘട്ട വിജ്ഞാപനം പുറത്തിറക്കി തിരഞ്ഞെടുപ്പ് ...
18 April 2024 10:10 AM GMT