അമൃതാനന്ദമയിക്കെതിരേ കെ മുരളീധരനും

തൃശൂര്‍: അയ്യപ്പസംഗമത്തില്‍ പങ്കെടുത്ത അമൃതാനന്ദമയിക്കെതിരേ കൂടുതല്‍ നേതാക്കള്‍ രംഗത്തെത്തുന്നു. സിപിഎം സംസ്ഥാന സെക്രട്ടറി കോടിയേരി ബാലകൃഷ്ണനു പിന്നാലെ കോണ്‍ഗ്രസ് നേതാവ് കെമുരളീധരനും അമൃതാനന്ദമയിയെ പരിഹസിച്ചു രംഗത്തെത്തി. കോളാമ്പിയില്‍ ഒഴിച്ച പാല്‍പായസം പോലെയാണ അമൃതാനന്ദമയിയുടെ പ്രസംഗമെന്നാണ് മുരളീധരന്‍ പരിഹസിച്ചത്. പ്രളയാനന്തര ഭരണം സ്തംഭനത്തില്‍ എന്നാരോപിച്ചു യുഡിഎഫ് സംഘടിപ്പിച്ച ഉപരോധ സമരത്തിലായിരുന്നു മുരളീധരന്റെ പരിഹാസം. അമൃതാനന്ദമയി അമ്മയുടെ വാക്കുകള്‍ അമ്പലപ്പുഴ പാല്‍പ്പായസം പോലെയാണ്. എന്നാല്‍ സംഘപരിവാറെന്ന കോളാമ്പിയിലായപ്പോള്‍ ആ പായസത്തിന്റെ പ്രസക്തി നഷ്ടപ്പെട്ടെന്നു മുരളീധരന്‍ പറഞ്ഞു.