മുസ്ലിം ലീഗ് കാസര്കോട് ജില്ലാ വൈസ് പ്രസിഡന്റ് പി മുഹമ്മദ് കുഞ്ഞി അന്തരിച്ചു
ദീര്ഘ കാലം കാഞ്ഞങ്ങാട് സംയുക്ത ജമാഅത്ത് വൈസ്പ്രസിഡന്റായിരുന്നു
കാസര്കോഡ്: മുസ്ലിം ലീഗ് കാസര്കോട് ജില്ലാ വൈസ് പ്രസിഡന്റ് പി മുഹമ്മദ് കുഞ്ഞി(68)അന്തരിച്ചു. 1982ല് ഉദുമ നിയോജക മണ്ഡലത്തില് യുഡിഎഫ് സ്ഥാനാര്ത്ഥിയായിരുന്നു. അജാനൂര് ഗ്രാമപഞ്ചായത്ത് മെംബര്, കേരള ഫിഷര്മെന് കോര്പറേഷന് ഡയരക്ടര്, കെഎസ്ആര്ടിസി ഉപദേശക സമിതി അംഗം, ഒയില് പാം ഇന്ത്യ ലിമിറ്റഡ് ചെയര്മാന്, റെയില്വേ യൂസേഴ്സ് ഫോറം മെംബര്, എംഎസ്എഫ് കാഞ്ഞങ്ങാട് ശാഖ പ്രസിഡന്റ്, ഹൊസ്ദുര്ഗ് താലൂക്ക് ജനറല് സെക്രട്ടറി, പ്രസിഡന്റ്, ഉപദേശക സമിതി ചെയര്മാന്, അവിഭക്ത കണ്ണൂര് ജില്ലാ മുസ്ലിം യൂത്ത് ലീഗ് ജനറല് സെക്രട്ടറി, പ്രസിഡന്റ്, കെഎസ്ടിയു കാസര്കോഡ് ജില്ലാ പ്രസിഡന്റ്, എസ്ടിയു മോട്ടോര് തൊഴിലാളി സ്ഥാപക പ്രസിഡന്റ്, യൂത്ത് ലീഗ് സംസ്ഥാന സെക്രട്ടറി, ചന്ദ്രിക ദിനപത്രം കാഞ്ഞങ്ങാട് ലേഖകന് എന്നീ പദവികള് വഹിച്ചിട്ടുണ്ട്. അതിഞ്ഞാല് അജാനൂര് ഗവ. മാപ്പിള എല്പി സ്കൂള്, മാണിക്കോത്ത് ഗവ. യുപി സ്കൂള്, കാഞ്ഞങ്ങാട് ദുര്ഗ ഹൈസ്കൂള്, പടന്നക്കാട് ശ്രീ നാരായണ ടീച്ചേഴ്സ് ട്രെയിനിങ് സ്കൂള് എന്നിവിടങ്ങളിലെ പഠനശേഷം 1970ല് ചിത്താരി എയുപി സ്കൂളില് അധ്യാപകനായി. ദീര്ഘ കാലം കാഞ്ഞങ്ങാട് സംയുക്ത ജമാഅത്ത് വൈസ്പ്രസിഡന്റായിരുന്നു. അതിഞ്ഞാല് മുസ്ലിം ജമാഅത്ത് വൈസ് പ്രസിഡന്റ്, കാഞ്ഞങ്ങാട് യത്തീംഖാന നിര്വാഹക സമിതിയംഗം തുടങ്ങിയ സ്ഥാനങ്ങള് വഹിക്കുന്നു. രാഷ്ട്രീയ പ്രവര്ത്തകന്, അധ്യാപകന്, എഴുത്തുകാരന്, വാഗ്മി, പത്രപ്രവര്ത്തകന് തുടങ്ങിയ മേഖലകളില് വ്യക്തിമുദ്ര പതിപ്പിച്ച ഇദ്ദേഹം മലബാറിലെ മുസ്ലിം ലീഗ് വേദികളിലെ മുഖ്യ പ്രസംഗകനാണ്. സി എച്ച് മുഹമ്മദ് കോയ പുരസ്കാര ജേതാവും ഇബ്രാഹീം സുലൈമാന് സേട്ട്, ജി എം ബനാത്ത് വാല തുടങ്ങിയ ലീഗ് നേതാക്കളുടെ ദ്വിഭാഷിയുമായിരുന്നു. ആദ്യകാല മുസ്ലിം ലീഗ് നേതാവ് പി കെ യൂസുഫിന്റെയും അതിഞ്ഞാല് കല്യായില് ആയിസുവിന്റെ യും മകനാണ്. ഭാര്യ ആമിന, മക്കള് ഖാലിദ്, ഖമറുന്നിസ, സുമയ്യ.
RELATED STORIES
കൂച്ച്ബിഹാറില് തിരഞ്ഞെടുപ്പ് ഡ്യൂട്ടിയില് ഉണ്ടായിരുന്ന സിആര്പിഎഫ്...
19 April 2024 6:32 AM GMTകോന്നി ഗവ മെഡിക്കല് കോളജ് അത്യാഹിതവിഭാഗത്തിലേക്ക് കാട്ടുപന്നിക്കുഞ്ഞ് ...
19 April 2024 6:30 AM GMTയു.എന്നില് ഫലസ്തീന് അംഗത്വം; രക്ഷാ സമിതിയുടെ പ്രമേയം വീറ്റോ ചെയ്ത്...
19 April 2024 6:08 AM GMTകാസര്കോടിന് പിന്നാലെ പത്തനംതിട്ട മണ്ഡലത്തിലും മോക് പോളില് ഇവി എം...
19 April 2024 5:53 AM GMTപൂരങ്ങളുടെ പൂരമായ തൃശൂർ പൂരത്തിന് തുടക്കമായി
19 April 2024 5:51 AM GMTഇറാനെ ആക്രമിച്ച് ഇസ്രായേല് ; ഇസ്ഫഹാന് നഗരത്തില് മിസൈല് ആക്രമണം,...
19 April 2024 5:27 AM GMT