ചുമട്ടുതൊഴിലാളിയെ കല്ലെറിഞ്ഞ് കൊലപ്പെടുത്തി; അയല്വാസിയായ പ്രതി പിടിയില്
ടൗണിലെ ചുമട്ടുതൊഴിലാളിയായ സാബു വീട്ടിലേക്ക് വരുന്ന വഴി ബിജു വഴിയരികില്നിന്ന് അസഭ്യം പറഞ്ഞശേഷം കല്ലെറിഞ്ഞ് കൊലപ്പെടുത്തിയെന്നാണ് കേസ്.
കോട്ടയം: ജോലികഴിഞ്ഞ് മടങ്ങിയ ചുമട്ടുതൊഴിലാളിയെ കല്ലെറിഞ്ഞ് കൊലപ്പെടുത്തിയ സംഭവത്തില് അയല്വാസി പിടിയിലായി. ചെളിക്കുഴി കോട്ടപ്പറമ്പില് ജേക്കബ് ജോര്ജ് (53- സാബു) ആണ് മരിച്ചത്. സംഭവത്തില് പ്രതി അയല്വാസിയായ പുത്തന്പുരയ്ക്കല് അഭിലാഷിനെ (ബിജു - 37) ആണ് പോലിസ് പിടികൂടിയത്. ശനിയാഴ്ച വൈകീട്ട് 6.30ന് ചെളിക്കുഴി ലക്ഷംവീട് കോളനിക്ക് സമീപമായിരുന്നു സംഭവം. ടൗണിലെ ചുമട്ടുതൊഴിലാളിയായ സാബു വീട്ടിലേക്ക് വരുന്ന വഴി ബിജു വഴിയരികില്നിന്ന് അസഭ്യം പറഞ്ഞശേഷം കല്ലെറിഞ്ഞ് കൊലപ്പെടുത്തിയെന്നാണ് കേസ്.
തലയുടെ പിന്നില് ഏറുകൊണ്ടതോടെ നിലത്തുവീണ സാബുവിന്റെ നെഞ്ചില് വലിയ പാറക്കല്ല് എടുത്തിട്ടശേഷം പ്രതി ഓടിമറയുകയായിരുന്നുവെന്ന് പോലിസ് പറയുന്നു. സാബുവിനെ മെഡിക്കല് ട്രസ്റ്റ് ആശുപത്രിയിലെത്തിച്ചെങ്കിലും രക്ഷിക്കാനായില്ല. ബിജു ലഹരിക്ക് അടിമയാണെന്നും നാട്ടുകാര്ക്കുനേരെ മുമ്പും ആക്രമണം നടത്തിയിട്ടുണ്ടെന്നും നാട്ടുകാര് പറയുന്നു. സാബുവും ബിജുവും തമ്മില് മുമ്പ് തര്ക്കം നിലനിന്നിരുന്നോയെന്നു പോലിസ് അന്വേഷിക്കുന്നുണ്ട്. ഭാര്യ: ബിന്ദു. മക്കള്: അലീന, അനുമോള്. മൃതദേഹം മെഡിക്കല് ട്രസ്റ്റ് ആശുപത്രി മോര്ച്ചറിയില്.
RELATED STORIES
ഭാര്യയെയും ഭാര്യാസഹോദരനെയും യുവാവ് സ്ക്രൂഡ്രൈവർ കൊണ്ട് കുത്തിക്കൊന്നു
18 April 2024 7:05 AM GMTസുഗന്ധഗിരി മരംമുറി:18 ഉദ്യോഗസ്ഥർക്കെതിരെ നടപടിക്ക് ശുപാർശ; ഇതുവരെ...
18 April 2024 7:02 AM GMTവയറ്റില് കത്രിക കുടുങ്ങിയ സംഭവം; ഹര്ഷിനയുടെ വയറ്റില് വീണ്ടും മുഴ;...
18 April 2024 7:01 AM GMTഅക്ബറിനും സീതയ്ക്കും പുതിയ പേര് നിർദേശിച്ച് ബംഗാള് സർക്കാർ
18 April 2024 6:09 AM GMTആലപ്പുഴയിൽ വീണ്ടും പക്ഷിപ്പനി; താറാവുകളെ കൂട്ടത്തോടെ കൊന്നൊടുക്കും,...
18 April 2024 5:34 AM GMTതിരക്കഥാകൃത്തും സംവിധായകനുമായ ബല്റാം മട്ടന്നൂര് അന്തരിച്ചു
18 April 2024 4:40 AM GMT