കരിപ്പൂരില്‍ 62 ലക്ഷം രൂപയുടെ സ്വര്‍ണം പിടികൂടി

കരിപ്പൂര്‍: കരിപ്പൂരില്‍ ജിദ്ദയില്‍ നിന്നെത്തിയ യാത്രക്കാരനില്‍ നിന്ന് 62 ലക്ഷം രൂപയുടെ സ്വര്‍ണം പിടികൂടി. 1.2 കിലോ സ്വര്‍ണമാണ് കസ്റ്റംസ് പ്രിവന്റീവ് വിഭാഗം പിടികൂടിയത്. മൊറയൂര്‍ കുയ്യേങ്ങല്‍ പാലോളി അജ്മലാ(24)ണ് സ്വര്‍ണവുമായി പിടിയിലായത്.

ഇയാളുടെ ബാഗേജില്‍ കൊണ്ടുവന്നിരുന്ന ഹൈഡ്രോളിക് എയര്‍പമ്പിലെ കംപ്രസറിനുള്ളില്‍ ഉരുക്കി ഒഴിച്ച നിലയിലായിരുന്നു സ്വര്‍ണം. സ്‌പൈസ് ജെറ്റ് വിമാനത്തില്‍ കഴിഞ്ഞ ദിവസം പുലര്‍ച്ചെയാണ് ഇയാള്‍ കരിപ്പൂരിലെത്തിയത്.