Kerala

സൗജന്യ എല്‍പിജി റീഫില്‍ സ്‌കീം പിഎംയുവൈ ഗുണഭോക്താക്കള്‍ക്കു മാത്രം

പിഎംയുവൈ സ്‌കീമില്‍ രജിസ്റ്റര്‍ ചെയ്യാത്തവര്‍ക്കും സൗജന്യ സിലിണ്ടര്‍ ലഭിക്കുമെന്ന ധാരണയില്‍ നിരവധി ആളുകള്‍ ഓഫിസുകളുമായി നിരന്തരം ബന്ധപ്പെടുന്ന സാഹചര്യത്തിലാണ് ഈ വിശദീകരണം.

സൗജന്യ എല്‍പിജി റീഫില്‍ സ്‌കീം പിഎംയുവൈ ഗുണഭോക്താക്കള്‍ക്കു മാത്രം
X

തിരുവനന്തപുരം: പ്രധാന്‍മന്ത്രി ഉജ്വലയോജന സൗജന്യ റീഫില്‍ സ്‌കിം, പിഎംയുവൈ സ്‌കീമിയില്‍ രജിസ്റ്റര്‍ ചെയ്ത ഗുണഭോക്താക്കള്‍ക്കു മാത്രമാണെന്ന് അധികൃതര്‍ അറിയിച്ചു. പിഎംയുവൈ സ്‌കീമില്‍ രജിസ്റ്റര്‍ ചെയ്യാത്തവര്‍ക്കും സൗജന്യ സിലിണ്ടര്‍ ലഭിക്കുമെന്ന ധാരണയില്‍ നിരവധി ആളുകള്‍ ഓഫിസുകളുമായി നിരന്തരം ബന്ധപ്പെടുന്ന സാഹചര്യത്തിലാണ് ഈ വിശദീകരണം. നിലവില്‍ ഉജ്വലയോജന പ്രകാരം കണക്ഷന്‍ ലഭിച്ചിരിക്കുന്ന ഉപഭോക്താക്കള്‍ക്കു മാത്രമാണ് ഏപ്രില്‍ മുതല്‍ മൂന്നുമാസത്തേക്ക് സൗജന്യ എല്‍പിജി റീഫില്ലുകള്‍ ലഭിക്കുക.

സൗജന്യ റീഫില്‍ സിലിണ്ടര്‍ സൗകര്യം ഉപയോഗിച്ചിട്ടില്ലാത്ത ഉജ്വലഗുണഭോക്താക്കള്‍ക്ക് ഈ സേവനം നിലവില്‍ ഉപയോഗിക്കാവുന്നതാണ്. ഉജ്വലയോജന പ്രകാരമുള്ള സൗജന്യ സിലിണ്ടര്‍ സംബന്ധിച്ച പത്രവാര്‍ത്തകള്‍ തെറ്റായി ധരിച്ചാണ് ആളുകള്‍ ഓഫിസുകളുമായി ബന്ധപ്പെടുന്നത്. പിഎംയുവൈ സ്‌കീമില്‍ രജിസ്റ്റര്‍ ചെയ്യാത്തവര്‍ക്ക് ഈ സൗകര്യം ലഭ്യമല്ലെന്ന് ഒരിക്കല്‍കൂടി അറിയിക്കുകയാണെന്നും അധികൃതര്‍ വ്യക്തമാക്കി.

Next Story

RELATED STORIES

Share it