കെഎസ്ആർടിസി പണിമുടക്കിൽ സിഐടിയു പങ്കെടുത്തില്ലെന്ന മന്ത്രി കടകംപള്ളിയുടെ വാദം പൊളിഞ്ഞു
സംഘർഷം നടന്ന സ്ഥലത്ത് മുദ്രാവാക്യം വിളിച്ചെത്തിയ സിഐടിയു പ്രവർത്തകർ ഫോർട്ട് പോലിസ് സ്റ്റേഷൻ ഉപരോധിക്കുന്നതിന്റെ ദൃശ്യങ്ങളാണ് പുറത്തുവന്നത്.
തിരുവനന്തപുരം: തലസ്ഥാനത്ത് ഇന്നലെ കെഎസ്ആർടിസി നടത്തിയ മിന്നൽ പണിമുടക്കിൽ സിഐടിയു പ്രവർത്തകർ പങ്കെടുത്തില്ലെന്ന മന്ത്രി കടകംപള്ളി സുരേന്ദ്രന്റെ വാദം പൊളിഞ്ഞു. സിഐടിയു പ്രവർത്തകർ സമരത്തിൽ പങ്കെടുക്കുന്ന ദൃശ്യങ്ങൾ പുറത്തുവന്നു. സംഘർഷം നടന്ന സ്ഥലത്ത് മുദ്രാവാക്യം വിളിച്ചെത്തിയ സിഐടിയു പ്രവർത്തകർ ഫോർട്ട് പോലിസ് സ്റ്റേഷൻ ഉപരോധിക്കുന്നതിന്റെ ദൃശ്യങ്ങളാണ് പുറത്തുവന്നത്.
സംഭവസമയം സിഐടിയു പ്രവർത്തകർ രാജ്ഭവന്റെ മുന്നിൽ സമരത്തിലായിരുന്നുവെന്നും അവർ പണിമുടക്കിൽ പങ്കെടുത്തിരുന്നില്ലെന്നുമാണ് മന്ത്രി കടകംപള്ളി മാധ്യമങ്ങളോട് പറഞ്ഞിരുന്നത്. പണിമുടക്കിൽ വലഞ്ഞ് കുഴഞ്ഞുവീണ് മരിച്ച യാത്രക്കാരൻ ടി സുരേന്ദ്രന്റെ കുടുംബത്തെ സന്ദർശിച്ചതിന് ശേഷമാണ് മന്ത്രി ഇക്കാര്യം മാധ്യമങ്ങളോട് പറഞ്ഞത്.
കെഎസ്ആർടിസി എടിഒയെ പോലിസ് അറസ്റ്റ് ചെയ്തതിന് പിന്നാലെയാണ് സമരം തുടങ്ങിയത്. നടുറോഡിൽ ഗതാഗതം തടസ്സപ്പെടുന്ന രീതിയിൽ ബസ്സുകൾ നിർത്തിയിടുകയായിരുന്നു. ഇതിനിടെയാണ് സിഐടിയുക്കാരെ ന്യായീകരിച്ച് മന്ത്രി രംഗത്ത് വന്നത്. സമരവുമായി ബന്ധപ്പെട്ട് ജില്ലാ കലക്ടറുടെ അന്വേഷണവും തെളിവെടുപ്പും പുരോഗമിക്കുകയാണ്. വിഷയത്തിൽ പോലിസിനും യൂണിയൻ നേതൃത്വങ്ങളുടെ ഭാഗത്തും തെറ്റുകൾ സംഭവിച്ചുവെന്നാണ് ആരോപണം.
RELATED STORIES
ഇറാന് പ്രസിഡന്റ് ഇബ്രാഹിം റഈസിയുടെ മരണം: അനുശോചനം രേഖപ്പെടുത്തി ലോക...
20 May 2024 6:57 AM GMTഇബ്രാഹിം റഈസി സഞ്ചരിച്ച ഹെലികോപ്ടര് കണ്ടെത്താനായില്ല; പ്രസിഡന്റിനു...
19 May 2024 5:54 PM GMTപോക്സോ കേസ്: ഡല്ഹിയില്നിന്ന് പിടിയിലായ മലയാളി രക്ഷപ്പെട്ടു
19 May 2024 12:46 PM GMTബോചെ ടി ലോട്ടറിയല്ല; സര്ക്കാര് വാദം പൊള്ളയെന്ന് ബോബി ചെമ്മണൂര്
19 May 2024 10:33 AM GMTകാഫിര് സ്ക്രീന് ഷോട്ട്; പിന്നില് സിപിഎം ജില്ലാ സെക്രട്ടറി പി...
19 May 2024 9:36 AM GMTകാസര്കോട് കാറും സ്കൂട്ടറും കൂട്ടിയിടിച്ചു; ഭാര്യയും ഭര്ത്താവും...
19 May 2024 5:18 AM GMT